![Dəyirmi masa: Qarabağ mövzusu və Azərbaycanın maraqları](https://turan.az/resized/750/500/resize/media/2015/main/072900124594.jpg)
Dəyirmi masa: Qarabağ mövzusu və Azərbaycanın maraqları
Milli Strateji Təfəkkür Mərkəzi çərşənbə günü “2015-ci ildə Qarabağ problemi: Milli maraqlar və Azərbaycanın xarici siyasəti” mövzusunda dinləmələr keçirib.
Müsavat Partiyasının qərargah-mənzilində keçirilən debatda ekspertlər və müxalifət partiyalarının nümayəndələri iştirak edib.
Cəbhə xəttində vəziyyətin gərginləşməsi, Qərbin ünvanına Qarabağ münaqişəsi ilə bağlı ikili standartlardan istifadə etmək ittihamlarının sıxlaşması kontekstində Qarabağ mövzusu aktuallaşıb.
Müzakirələrin tonunu müəyyən edən politoloq Yasəmən Qaraqoyunlu öz məruzəsində iki əsas tezis irəli sürüb: Qarabağın azad edilməsi hərbi yoldan keçir, Bakının Qərbin ünvanına ikili standartlar ittihamı isə hazırda özünü doğruldub.
Müzakirələr zamanı tənzimləmə yolları və ikili standartlar haqqında fikirlər bölünüb.
Keçmiş DİN rəhbəri İsgəndər Həmidov və Xalq Partiyasının sədri Pənah Hüseyn münaqişənin hərbi yolla həllinin lehinə çıxış ediblər. “İşğal edilmiş ərazilər heç vaxt könüllü şəkildə qaytarılmayıb və problemin hərbi yolla həllinin alternativi yoxdur”, deyə Hüseyn bildirib. Eyni zamanda, o, Qərbin ikili standartları haqqında tezisi dəstəkləyib.
İkili standartlar siyasətini Azərbaycan hökuməti həyata keçirir, deyən Mərkəz rəhbəri İsa Qəmbər qeyd edib ki, rəsmi Bakı Qərbi ittiham edir, amma reallıqda təcavüzkarın arxasında duran və torpaqların işğal edilməsinə yardım etmiş, hazırda Ermənistanı fəal şəkildə silahlandıran Rusiya haqqında heç nə demir.
Müsavat Partiyasının sədr müavini Elman Fəttah xatırladıb ki, son aylar Avropa Parlamenti, AŞPA, AFR Bundestaqı tərəfindən Azərbaycanın ərazi bütövlüyünü dəstəkləyən dörd sənəd qəbul edilib ki, bunlar Avropaya qarşı iradları əsassız edir.
Parlamentin deputatı Sabir Rüstəmxanlının fikrincə, Bakı və Brüssel arasında gərginlik Bakının Avropa dəyərlərini qəbul etmək və Avropa qurumlarına daxil olarkən götürdüyü öhdəlikləri yerinə yetirmək istəməməsi ilə əlaqədardır.
“Azərbaycanın milli maraqlarının əsasında demokratiya, qanunun aliliyi, insan hüquqlarına hörmət durur. Onların təmin edilməsi ikili standartlar mövzusunu gündəlikdən çıxarardı”, deyə o bildirib.
Bütünlükdə ekspertlərin çıxışlarında tez-tez Avropa dəyərlərinin Azərbaycan xalqı üçün öhdəlik deyil, 1918-ci ildə Azərbaycan Xalq Cümhuriyyətinin baniləri tərəfindən qəbul edilmiş zərurət olduğu xatırladılıb.
“Bu zərurət 1991-ci ilin oktyabrında Azərbaycanın müstəqilliyi elan edilərkən də qeydə alınıb”, deyə Müsavat Partiyasının rəhbəri Arif Hacılı bildirib. -0-
-
- Siyasət
- 29 İyul 2015 19:29
-
- İqtisadiyyat
- 29 İyul 2015 20:16
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz