![Hərbi QHT-nin rəhbəri parlamenti ordunun problemlərini müzakirə etməyə çağırır](https://turan.az/resized/media/2013/main/021900028961-750-500-resize.webp)
Hərbi QHT-nin rəhbəri parlamenti ordunun problemlərini müzakirə etməyə çağırır
“Ehtiyatda olan Zabitlər Birliyi”nin rəhbəri Yaşar Cəfərli ordudakı durumla bağlı deputatlara açıq məktub ünvanlayıb. Sənəddə hərbi büdcəyə ayrılan vəsaitlərin çoxluğuna baxmayaraq, bunun hərbi hissələrdə neqativ atmosferə təsir göstərmədiyi deyilir. Ordunun köklü islahatlara ehtiyacı olduğu vurğulanır. Son illər silahlı qüvvələrdə baş verən hadisə və cinayətlər statistikası durumun get-gedə ağırlaşması kimi dəyərləndirilir.
Bu sahədə sağlam mənəvi mühit olmamasının sübutu kimi 10-20 il hərbi xidmət keçən müxtəlif rütbəli yüzlərlə zabitin bu dözülməz durumdan qurtarmaq üçün “öz arzuları” ilə “xidməti uyğunsuzluq” maddəsilə tərxis olunmağa can atmaları göstərilir. Son 18 ildə belə zabit və gizirlərin sayının dünya ordularının rekordlarını ötdüyü deyilir. Qanuna əsasən 15 təqvim ili və daha çox xidmət edən zabit və gizirlər evlə təmin olunmalı olsalar da son 21 il ərzində hərbi qulluqçuların böyük qismi qarşısında bu öhdəlik yerinə yetirilməyib. “Mövcud ordu rəhbərliyinin hələ 18 il öncə sovet təfəkkür və yanaşmasına uyğun yaratdığı sistem bölgədəki yeni
hərbi-siyasi durumla, dinamik dəyişən daxili faktorların tələblərilə uzlaşmaq gücündə deyil”, - müəllif mövqeyini ifadə edir.
Hərbi idarəçilikdə arzuolunmaz mühütün yaranması səbəbləri sırasında ordu rəhbərliyindəki aparıcı şəxslərin inellekt və işgüzarlıq potensialının tükənməsi, istənilən yeniliyə ordu rəhbərliyinin qısqanc reaksiyası, ordu rəhbərliyinin zabit korpusuna və şəxsi heyətə münasibətdə yaratdığı ədalətsizlik və bundan doğan, ümidsizlik və inamsızlıq atmosferi göstərilir. Bununla yanaşı orduda fəasdların əsas həlqələrindən daha biri kimi 3 aylıq kursda hazırlanan, ordunun əsas sütunu sayılan çavuş heyətinin yarıtmaz fəaliyyəti göstərilir. 3 aylıq kurslardan sonra müddətdən artıq hərbi xidmətdə saxlanılmış çavuş heyətinin əsgərə ancaq gəlir mənbəyi kimi baxdığı xüsusi vurğulanır.
Sənəddə Prezident Administrasiyası və parlament strukturlarında təmsil olunan generalların real ordu həyatı yaşamadılqları üçün müdafiə nazilriyinin təklif və layihələrinə rəy vermək, alternativ təkliflər hazırlamaq gücündə olmadıqları iddia edilir. Bu duruma görə MN-də arxayınçılıq, saymamazlıq, alternativsizlik və cəzasızlığın hökm sürdüyü nəzərə çatdırılır.
Ordudakı real durumu üzə çıxarmaq üçün hərbi hissələrdə qəfil yoxlamalar aparılması, silahlı qüvvələr üzərində parıament və ictimai nəzarət mexanizmlərinin yaradılması, dövlət başçısı səviyyəsində silahlı qüvvələrin rəhbərlyiilə iclaslar keçirilməsi təklif edilir.
Son olaraq sənəddə deputatlar Silahlı Qüvvələr üzərində parlament nəzarətini gücləndirməyə, ordu quruculuğuna daha çox diqqət ayırmağa, Silahlı Qüvvələrin döyüş hazırlığı və müdafiə qüdrətini daha da artırmaq üçün təsiredici qərarlar qəbul etməyə çağırılır. -05D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz