Açiq mənbələrdən foto.
Bakı/29.07.22/Turan: Araz çayının işğaldan azad edilmiş Cəbrayıl rayonunun Xələfli qəsəbəsi ərazisindən keçən hissəsində salınmış “Qız Qalası” hidroqovşağında iyulun 20-də təxminən 25-30 yaşlarında naməlum kişi meyiti tapılıb. Bu barədə Baş Prokurorluğun yaydığı məlumatda deyilir.
Meyiti tapılan şəxsin hər iki qol və ayaqları plastmas qandalla bağlanmış vəziyyətdə olub.
Faktla bağlı Cəbrayıl Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.
“Meyitin xarici müayinəsi zamanı müəyyən edilib ki, boyu 176 santimetrdir, qarnının aşağı üçdə bir hissəsində qara rəngdə, üzərində sarı metaldan muncuqları olan qadın şalı bədəninə düyünlənərək bağlanıb, əynində isə XL ölçüdə, ön hissəsində “Reebok” yazısı olan çəhrayı rəngli köynək var”, - məlumatda bildirlir.
Məlumatda göstərilən əlamətlərə uyğun gələn naməlum kişi meyitinin şəxsiyyətinin müəyyən edilməsi üçün məlumatı olan vətəndaşlardan Cəbrayıl Rayon Prokurorluğu ilə (026 – 384 – 39 – 03; mob: 055 – 964 – 84 – 81) əlaqə saxlamaları xahiş edilir.-05D-
Cəmiyyət
-
Azərbaycanlı tarixçi və ictimai xadim Dr. Cəmil Həsənli jurnalistləri hədəf alan son həbs dalğasını kəskin şəkildə tənqid edərək, vəziyyəti Sovet hakimiyyəti dövründə 1937-ci ildəki kütləvi repressiyalarla müqayisə edib. Həsənli cümə axşamı çıxışında bildirib ki, Bakıda fəaliyyət göstərən "Meydan TV" əməkdaşları kollektiv şəkildə həbs olunub, bu isə ölkədə mətbuat azadlığı sahəsində ciddi bir geriləmə kimi qiymətləndirilir.
-
Dekabrın 8-də Bakıda və Abşeron yarımadasında hava tutqun olacaq. Bəzi yerlərdə qısamüddətli yağış gözlənilir. Yarımadanın bəzi yerlərində yağıntı leysan xarakterli olacaq.
-
Ağır eşitmə qüsuru (dördüncü dərəcəli) olan 46 yaşlı Elşən Həsənov üçün dövlət eşitmə cihazlarının əldə edilməsi sadə proses olduğu halda üç səhiyyə müəssisəsinin cəlbiylə bürokratik kabusa çevrilib. Nəticədə Həsənov əvvəllər pulsuz olan xidmətə görə ildə bir neçə dəfə 60 manata yaxın pul (35 ABŞ dolları) ödəmək məcburiyyətindədir - Həsənovun sözlərinə görə, qiyməti onun əlillik pensiyasına uyğun gəlmir.
-
Cümə günü Azərbaycan Respublikası Mənzil İnşaatı Dövlət Agentliyi (MİDA) Sumqayıt və Lənkəran şəhərlərində 544 güzəştli mənzili bir neçə saniyə ərzində satdı. Satışlar MİDA-nın veb saytında mənzillərin şəkillərini görüb, real vaxtda onlayn təsdiq əldə etməyə nail olan ilk müraciətçilərə həyata keçirildi.
Rəy yaz