Kiyev Rusiya qoşunlarını "Azov" alayının əsirlərinin olduğu koloniyanı atəşə tutmaqda ittiham edib

Bakı/29.07.22/Turan: Ötən gecə Rusiya Silahlı Qüvvələri Yelenovka (Donetsk vilayəti, Rusiyanın nəzarəti altındadır) şəhərində Ukraynanın "Azov" alayının əsirlərinin saxlanıldığı koloniyanı artilleriyadan qəsdən atəşə tutublar, bu barədə Ukrayna Silahlı Qüvvələrinin Baş Qərargahı bildirib.

Bu "hərbi cinayət" nəticəsində ən azı 53 ukraynalı əsir həlak olub, 130-a yaxını yaralanıb. Kiyevdə hesab edirlər ki, bu cinayət məhbuslar üzərində işgəncə izlərini və Ukraynalı hərbi əsirlərin güllələnməsini gizlətmək məqsədilə törədilib.

Ukrayna tərəfinin məlumatına görə, əsirləri bu koloniyaya iki gün öncə gətiriblər. Bundan əlavə, atəş zamanı rusiyalı hərbçilər tərəfindən heç kim yaralanmayıb. Bu, bir daha onu göstərir ki, bu cinayət Rusiyanın işidir.

Ukrayna Baş Qərargahı koloniyanın Ukrayna tərəfindən atəşə tutulması ilə bağlı Rusiya Silahlı Qüvvələrinin iddialarını qəti şəkildə təkzib edir. "Biz əsirlərimizin harada olduğunu bilirik və mülki obyektlərə atəş açmırıq", - məlumatda deyilir. 02D