Hökumətyönlü QHT-lər: İnternetdə hərbi məlumatların yayılmasına nəzarət gücləndirilsin
Cümə axşamı Beynəlxalq Mətbuat Mərkəzində “İnformasiya təhlükəsizliyinin təminatı və dövlət sirri olan məlumatların qorunması yollarının sosial şəbəkələrdə və mediada təbliği” mövzusunda müzakirələr keçirilib.
Müzakirələrin təşkilatçıları Beynəlxalq Münasibətlərin Araşdırılması Mərkəzi və QHT-lərə Dövlət Dəstəyi Şurası, iştirakçıları isə hökumətyönlü QHT-lərin və KİV-lərin rəhbərləri, deputatlar, sosial şəbəkə fəalları olub.
Müzakirələrin yekunlarına görə təkliflər planı hazırlamaq və hökumətə təqdim etmək qərara alınıb. Bu təkliflərin mahiyyəti dövlət sirri təşkil edən məlumatların və materialların yayılmasına görə nəzarət və məsuliyyət tədbirlərinin gücləndirilməsi zərurətindən ibarətdir.
Müzakirə iştirakçıları hər-hansı konkret konsepsiya və ya proqram təklif etməyiblər, habelə bu məsələləri həll edən mövcud qanunvericilik aktlarını təhlil etməyiblər. Bu mövzuda səslənən fikirlərin bütün mahiyyəti internet istifadəçilərinin kifayət qədər düşüncəli olmadığından ibarət idi. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz