Enerji idarəetməsi üzrə dünya lideri "Schneider Electric" şirkəti bu gün Bakıda yüzdən artıq dövlət, özəl və təhsil müəssisələrinin təmsilçilərinin iştirakı ilə qabaqcıl texnologiyalar üzrə seminar keçirib.
«Biz istehlakçılara enerji idarəetməsi və eneji sisteminin idarə edilməsi üzrə səmərəli həll yolları təklif edirik. Ona görə dünya iqtisadi böhranına baxmayaraq, o cümlədən Azərbaycanda yüksək satışa nail olmuşuq», - deyə Schneider Electricin Orta Asiya ölkələri üzrə meneceri Əmrah Tekdemir bildirib.
Şirkətin məhsulları Azərbaycanda 1994-cü ildən təqdim edilir, Bakıda regional ofis 2006-cı ildə açılıb. Yaxın vaxtlarda o, Bakı Beynəlxalq Dəniz Ticarət Limanının, Qobustan Külək Elektrik Stansiyasının, “Ağ Şəhər” yaşayış kompleksinin yarımstansiya və paylama sistemlərinin, I Avropa Oyunlarının keçirilməsi üzrə idman qurğularının tikintisində və s iştirak edib.
Seminarda Schneider Electric Bakıda regional ofisinin nümayəndələri smart panellər, avtomatlaşdırma məhsulları, İT məhsullar, binalar üçün idarəetmə sistemləri və s barədə danışıblar.
Schneider Electric Azərbaycanda təhsilin inkişafına da yardım edir. Sumqayıt Dövlət Universitetinin texniki xidmət emalatxanasının təchizatı buna parlaq sübutdur. Bu emalatxananın köməyi ilə universitet müştərilərə avadanlıq satandan sonra xidmət göstərir. 08C
İqtisadiyyat
-
Azərbaycanın Dövlət Neft Şirkəti SOCAR noyabrın 15-də Azərbaycanın maliyyə bazarında ekoloji davamlı layihələri dəstəkləmək üçün "yaşıl" istiqrazlar buraxmağı planlaşdırdığını elan edib.
-
Azərbaycan Dövlət Neft Şirkəti (SOCAR) cümə günü Birləşmiş Ərəb Əmirliklərinin Masdar şirkəti və Səudiyyə Ərəbistanının ACWA Power şirkəti ilə Xəzər dənizinin Azərbaycan sektorunda ümumi gücü 3,5 gigavat olan dəniz külək elektrik stansiyaları şəbəkəsinin yaradılması üçün Anlaşma Memorandumu imzalayıb.
-
COP 29 iqlim sammitində Rusiya nümayəndə heyəti BMT-nin İqlim Dəyişikliyi üzrə Çərçivə Konvensiyasının (UNFCCC) və Paris Sazişinin prinsiplərinə sadiq qaldığını bir daha vurğulayıb. Rusiya Federasiyası, iqlim maliyyələşdirilməsi ilə bağlı inkişaf etmiş ölkələrin öz öhdəliklərini yerinə yetirməyə davam etməli olduğunu və inkişaf etməkdə olan ölkələrə könüllü əsasda dəstək göstərmə imkanı verilməli olduğunu ifadə edərək, "ümumi, lakin fərqləndirilmiş məsuliyyət" prinsipinə riayət etməyin vacibliyini vurğulayıb.
-
Dünyada iqlim dəyişikliyinə uyğunlaşma səyləri üçün illik maliyyələşmədə 2030-cu ilədək 87 milyard dollaradək çatışmazlıq gözlənilir. Bu barədə Böyük Britaniya Xəzinədarlığının Maliyyə Katibi Lord Livermor "İqlim Üçün Hərəkətə Səfərbərlik: Ölkələr, Çoxmilli Maliyyə Təşkilatları və Özəl Sektorun Paris Sazişinin Tətbiqi" adlı panel müzakirəsində bildirib.
Rəy yaz