AİHM Emin Hüseynovun hüquqlarının pozulduğu qənaətinə gəlib
Bu gün Avropa İnsan Hüquqları Məhkəməsi 2014-cü ilin avqustundan etibarən İsveçrənin Bakıdakı səfirliyində gizlənmək məcburiyyətində qalan Reportyorların Azadlıq və Təhlükəsizlik İnstitutunun (RATİ) rəhbəri Emin Huseynova aid məhkəmə qərarını açıqlayıb.
AİHM Hüseynovun Avropa Vətəndaş Hüquqları və Azadlıqları Konvensiyasının üç maddəsi üzrə (maddə 3 - işgəncələrin yasaqlanması, maddə 5.1 - azadlıq və toxunulmazlıq hüququ, maddə 11 - birləşmək azadlığı) hüquqlarının pozuntusunu tanıyıb.
Məhkəmənin qərarı ilə hökumət Hüseynova 15000, məhkəmə xərclərinə görə isə 5000 avro ödəməlidir.
Hüseynovun şikayəti 2008-ci ilin iyununda Bakıda kafelərdən birində inqilabçı Çe Gevaranın 80 illiyilə bağlı tədbir zamanı 30-a yaxın polis əməkdaşının kafeyə hücumu və bundan sonra baş verən polis zorakılığıyla bağlıdır. Hüseynov tədbirdə jurnalist kimi iştirak edib, amma digər iştirakçılarıa birlikdə saxlanılıb və Nəsimi rayon 22-ci polis bölməsinə aparılıb. Orada o, fiziki təzyiqə məruz qalıb, bunun nəticəsində vəziyyəti pisləşib. Hüseynov ağır vəziyyətdə Təcili Tibbi Yardım Xəstəxanasına aparılıb və 4 gün reanimasiyada qalıb, daha sonra isə uzun müddət müalicə alıb. Hüseynovun polisin əməllərindən Azərbaycan məhkəmələrinə şikayətləri nəticəsiz qalıb.
RATİ mətbuat və ifadə azadlığının müdafiəsi ilə məşğul olan fəal vətəndaş cəmiyyəti institutlarından biri idi. 2014-cü ilin avqustunda RATİ-nin ofisi axtarışdan sonra bağlanıb və avadanlıqları və sənədləri müsadirə olunub.
Hüseynov İsveçrə səfirliyində gizlənmək məcburiyyətində qalıb. Ona qarşı qiyabi olaraq 192 (qanunsuz sahibkarlıq), 213 (vergilərdən yayınma) və 308-ci (səlahiyyətlərindən sui-istifadə) maddələrlə ittiham irəli sürülüb, 2014-cü il avqustun 19-da isə qiyabi olaraq həbs qətimkan tədbiri seçilib, barəsində axtarış elan edilib. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz