Açiq mənbələrdən foto.
Bakı/09.10.21/Turan: Siyasi Məhbuslar Monitorinq Mərkəzi Azərbaycan Xalq Cəbhəsi Partiyasının üzvü Niyaməddin Əhmədov barəsində 13 il müddətinə azadlıqdan məhrumetmə hökmü çıxarılmasını pisləyib.
Hüquq müdafiə təşkilatı xatırladır ki, Əhmədov 16 aprel 2020-ci il tarixində saxlanılıb və karantin rejimini pozma və polisə tabe olmama ittihamı ilə 30 gün müddətinə inzibati qaydada həbs edilib.
Bu cəzanı çəkdiyi müddətdə, Əhmədovun sözlərinə görə, o, Dövlət Təhlükəsizliyi Xidmətinə aparılıb və işgəncələrə məruz qalıb.
Sonradan ona qarşı kifayət qədər şübhəli "terrorçuluğu maliyyələşdirmə" ittihamı irəli sürülüb.
"İttiham Əhmədovun guya Almaniyada yaşayan Qabil Məmmədovdan terror aktı hazırlamaq üçün vəsait aldığına əsaslanırdı. Amma Məmmədov Azərbaycandan olan siyasi mühacirlər arasında təxribatçı kimi tanınır.
Məhkəmədə Əhmədovun təqsirinin heç bir gerçək dəlili təqdim edilməyib. Məhkəmə ədalətli olmayıb. Vəkillərin vəsatətləri təxirə salınıb, məhkəmə zalına giriş məhdudlaşdırılıb, videoçəkiliş və səs yazmaq qadağan edilib. Bütün bunlar prosesin sifarişli, siyasi motivli olduğunu göstərir", deyə Siyasi Məhbuslar Monitorinq Mərkəzinin rəhbəri Elşən Həsənov bildirib.
Təşkilat Əhmədovun işində Avropa İnsan Hüquq və Azadlıqları Konvensiyasının bir sıra maddələrinin, o cümlədən 3-cü ("İşgəncələrin qadağan edilməsi"), 6-cı ("Ədalətli məhkəmə təhqiqatı hüququ") və 13-cü ("Səmərəli hüquqi müdafiə vasitələri ilə təmin olunma hüququ) maddələrin pozulduğu qənaətinə gəlib.
"Biz, keçmiş siyasi məhbuslar, məhkəmənin hökmünü qanunsuz, siyasi motivli hesab edirik və müstəqil araşdırma aparılmasını və Niyaməddin Əhmədovun azad edilməsini tələb edirik", deyə bəyanatda bildirilir.
Siyasi Məhbuslar Monitorinq Mərkəzi 2014-cü ilin oktyabrında Elşən Həsənovun rəhbərliyi ilə bir qrup keçmiş "vicdan məhbusu" tərəfindən təsis edilib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz