![Hüquq müdafiəçisinin səhhətində ciddi problemlər yaranıb](https://turan.az/resized/750/500/resize/media/2016/main/021100146537.jpg)
Hüquq müdafiəçisinin səhhətində ciddi problemlər yaranıb
Həbsdə olan hüquq müdafiəçisi Taleh Xasməmmədovun səhhətində yaranmış ciddi problemlərlə bağlı onun həyat yoldaşı Fəxriyyə Xasməmmədova müraciət yayıb.
Müraciətdə deyilir ki, yanvarın 3-də 17 saylı cəzaçəkmə müəssisəsində həyat yoldaşı ilə görüşüb.
“Yoldaşım çox narahat idi. Özünü çox pis hiss edirdi. Ağrıları bir anda olsun ara vermirdi. Baş ağrısı, bel ağrısı, sinir ağrılarından çox əziyyət çəkir. Taleh bu ağrıları ilə əlaqədar həkim tərəfindən müayinə olunduğunu, yaxınlarda müalicə müəssisəsinə göndəriləcəyini mənə bildirdi. Lakin üstündən bir aydan çox keçməsinə baxmayaraq, nədənsə yoldaşımın müalicə müəssisəsinə göndərilməsi üçün razılıq verilməyib”,- F. Xasməmmədova qeyd edir.
F.Xasməmmədova Ədliyyə Nazirliyinin Penitensiar Xidməti başda olmaqla aidiyyatı orqanlarına Taleh Xasməmmədovun səhhətində yaranmış ciddi problemlə bağlı müraciət edib.
“Əgər Taleh vaxtinda müalicə olunmasa biz onun daha da pis virusa, xəstəliklərə yoluxacağından çox narahatıq. Bu isə bir ailənin başçısını itirmək deməkdir”.
Müraciətdə Beynəlxalq Qırmızı Xaç Komitəsindən, Ombudsmandan, İnsan Hüquqları üzrə İşçi qrupundan, hüquq müdafiəçilərindən Taleh Xasməmmədova baş cəkmələri də xahiş olunur.
Öz növbəsində Ədliyyə Nazirliyinin Baş Tibb İdarəsinin rəis müavini İftixar Qurbanov “Amerikanın səsi”nə bildirib ki, Taleh Xasməmmədovun ailəsinin müraciəti baxılaraq araşdırılacaq. -03B-
-
- İqtisadiyyat
- 11 Fevral 2016 12:09
-
- Sual-cavab
- 11 Fevral 2016 12:34
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz