![İlkin Rüstəmzadə](https://turan.az/resized/media/2023/main/041700061075-750-500-resize.webp)
İlkin Rüstəmzadə
İlkin Rüstəmzadə ABŞ səfirliyində təhqir olunduğunu deyir. Amma səfirlik hər kəsə hörmətlə yanaşdığını bildirir
Bakı/17.04.23/Turan: İctimai fəal İlkin Rüstəmzadə ABŞ-ın Azərbaycandakı səfirliyində təhqir olunduğunu deyir. Onun sözlərinə görə, ABŞ səfirliyinə viza üçün müraciət edib və aprelin 13-də viza ilə bağlı müsahibədə ABŞ konsulu ona "sən insan haqları fəalısan və türmədə olmusan, buna görə sənə viza verilmir" deyib. "Dedim mən Avropa məhkəməsindən bütün ittihamlar üzrə bəraət almışam, hökümət mənə təzminat ödəyib. Dedi bilirik, amma insan haqları fəalısan və ağır cinayətlə uzun müddət həbsdə olmusan. Soruşdum ki, insan haqları fəalı olmaq cinayətdirmi? Cavab vermədi".
Fəal qeyd edib ki, söhbət zamanı ona keçmiş həyat yoldaşı ilə qısa müddət evli olduğu, bunun da şübhələri artırdığı deyilib və kitablarının açıq satışında olmasından təəccüb ifadə edilib. "Bu gün ABŞ konsulu mənim qürurumu təhqir etdi. ABŞ səfirinin evinə şam yeməyinə çağırdığı adama dedi ki, sən cinayətkarsan. Bu ölkədə haqqımı heç kimə yedirtməmişəm, ABŞ konsuluna da yedirtmərəm. Sonadək mübarizə aparacam".
Rüstəmzadənin iddiaları ilə bağlı sualın cavabında ABŞ səfirliyinin sözçüsü Turan agentliyinə bildirib ki, “ABŞ səfirliyi məxfilik məsələlərinə görə fərdi viza hallarına münasibət bildirmir. Səfirlik hər kəsə hörmətlə və lazımi diqqətlə yanaşır”.—0—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz