![İmişli sakinlərinin FHN-ə qarşı iddiaları qismən təmin olunub](https://turan.az/resized/750/500/resize/media/2013/main/070900042031.jpg)
İmişli sakinlərinin FHN-ə qarşı iddiaları qismən təmin olunub
İyulun 9-da Şirvan İnzibati-İqtisad Məhkəməsində Rafael Eyvazovun sədrliyi ilə İmişli rayonunun üç qrup sakininin FHN-ə qarşı iddiasına baxılıb. Həmin 20 iddiaçı 2010-cu ilin may-iyun aylarında Kür daşqınları zamanı zərər çəkib.
Zərərçəkənlərin hüquqlarını müdafiə edən “Kür” qərargahının koordinatoru Oqtay Gülalıyev Turan-a bildirib ki, məhkəmə dəyən zərərin müstəqil ekspertizasının keçirilməsi üzrə vətəndaşların vəsatətini qismən təmin edib. Məhkəmə müstəqil ekspertizanın əvəzinə ziyan dəymiş evlərin FHN tərəfindən təkrar qiymətləndirilməsini qərara alıb. Lakin FHN nümayəndəsi bunun əleyhinə çıxıb.
Bundan əvvəl Şirvan İnzibati-İqtisad Məhkəməsi 70-ə yaxın iddianı təmin etməyib. Hazırda məhkəmədə baxılmaq üçün 50 iddia var. Bura bu gün baxılan müraciətlər də daxildir.
40 iddiaçının ərizəsi baxılmaq üçün Apellyasiya Məhkəməsindədir. Eyni zamanda iki iddiaçı ölkədə ədalət olmadığından Avropa İnsan Hüquqları Məhkəməsinə şikayət edib.
* 2010-cu ilin mayında Kür-Araz çaylarının daşması zamanı 30 rayonda evlərə və təsərrüfatlara ziyan dəyib. Daşqının nəticələrinin aradan qaldırılması üçün dövlət büdcəsindən 460 mln. manat ayrılıb. Lakin indiyədək yüzlərlə adam normal ev və ədalətli kompensasiya ilə təmin olunmayıb.
200 ailə FHN, “Meliorasiya və Su Təsərrüfatı” ASC, həmçinin rayon hakimiyyətlərindən məhkəmələrə şikayət verib. Hazırda 114 şikayət baxılmaq üçün məhkəmələrdədir. İki şikayət Avropa İnsan Hüquqları Məhkəməsinə göndərilib. İddiaçıların hüquqları “Kür” qərargahı tərəfindən müdafiə olunur.—06B—
-
- Siyasət
- 9 İyul 2013 18:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz