Arxiv
Vətəndaş cəmiyyəti fəalı, “Kür” qərargahının üzvü Məhbub Zülfüqarlı iyulun 19-da İmişli rayon mərkəzində hücuma məruz qalıb.
İmişli rayon polis şöbəsinə təqdim etdiyi bəyanatda Zülfüqarlı bildirib ki, səhər saat 10 radələrində yerli sakin Əlimuxtar Həsənov heç bir səbəb olmadan onu senzuradankənar sözlərlə təhqir etməyə başlayıb və vurmağa başlayıb. Həsənov Zülfüqarlıdan yerli məmurlardan yuxarı səviyyədəki orqanlara şikayət etməyə son qoymağı tələb edib. Yalnız şahidlərin müdaxiləsindən sonra hücumçu geri çəkilib. Hadisə yerli poçtamtın izləmə kameraları tərəfindən qeydə alınıb.
Zülfüqarlı rayon polis rəisinin müavini İntizar Mirzəyevə gələcəkdə belə bir təxribatın qarşısının alınması üçün tədbirlər görmək xahişi ilə müraciət edib.
Bu, digər vətəndaşlarla birlikdə 2010-cu il Kür daşqınından əziyyət çəkmiş insanların hüquqları uğrunda mübarizə aparan fəalın başına gələn ilk hadisə deyil. Zülfüqarlı həmçinin dəfələrlə mərkəzi dövlət orqanlarına yerli məmurların özbaşınalığından və korrupsiyasından şikayət edib.
Hökumətin daşqının nəticələrinin aradan qaldırılması üçün ayırdığı 460 mln. manatdan çox vəsaitin böyük hissəsi məmurlar tərəfindən mənimsənilib. “Kür” vətəndaş cəmiyyəti qərargahı birdəfəlik kompensasiyaların verilməsi, evlərin, infrastrukturun tikintisi zamanı vəsait oğurlanmasını qeydə alıb. Bir çox məsələlər hələ də həllini tapmayıb.
130 ailə Fövqəladə Hallar Nazirliyinə, Meliorasiya və Su Təsərrüfatı ASC-yə, habelə yerli icra hakimiyyəti orqanlarına qarşı iddia ilə məhkəmələrə müraciət edib.
Xatırladaq ki, 2010-cu il daşqınından Kürətrafı 8 rayon ziyan çəkib, burada 100 min ha-dan çox torpaq sahəsi, 20 mindən çox ev su altında qalıb. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz