Mətbuat-monitorinq 19.07.14

Rəsmi qəzetlər dövlət başçısı İlham Əliyevin Ramazan ayı münasibətilə QMİ sədri, Şeyxülislam Allahşükür Paşazadənin verdiyi iftar mərasiminə qatılması haqda yazırlar. Bundan əlavə, dövlət başçısının Şirvan şəhərinin sosial-iqtisadi inkişafı üçün 1 milyon manat ayrılması, dövlət başçısı yanında Bilik Fondu Himayəçilik Şurası üzvlərinin təyin olunması haqda imzaladığı sərəncamların mətnlərini dərc ediblər.

“Azadlıq” qəzeti nazir Kəmaləddin Heydərovun telekanalının rabitə peykinə qoşmağa icazə verilməməsi iddiasını “nazirin peykə buraxılmaması” kimi dəyərləndirərək, ilk səhifəyə çıxarıb.

Ukrayna səmasında Malayziya təyyarəsinin vurulmasına görə ABŞ prezidenti B.Obama rus separatçılarını ittiham edib, Avropa dövlətləri də bu məsələdə Rusiyanı suçlu sayır.

“Financial Times” Azərbaycan qazını BP şirkəti vasitsilə Avropaya çıxaracaq şirkətə məsləhətçi gəlməsinə görə Böyük Britaniyanın keçmiş baç naziri Toni Bleyri ciddi tənqidə məruz qoyub.  

Rusiyanın Avrasiya İttifaqı çərçivəsində Valyuta Fondu və Dünya Bankına alternativ sistem qurmaq istəməsinə ekspertlər “bu ölkələr sabit inkişaf tempinə malik deyillər və yeni bankın uğur qazanacağı real görünmür” şərhi veriblər.

Politoloq Vəfa Quluzadə Rusiyanın təzyiqrlərindən qorunmaq üçün Avropanın təklif etdiyi enerji layihələrini gerçəkləşdirməyi nəzərdə  tutduğu barədə fikir bildirib.

Naxçıvan gömrük sistemində sakinlərin ölkəyə gətirdikləri ərzağın müsadirə olunaraq buraxılmamasını qəzet “Naxçıvanda gömrük özbaşınalığı” adlandırır.

“Ekspress” qəzeti Ukrayna səmasında Malayziya təyyarəsini separatçıların vurması kimi mülahizəni önə verib. 

Böyük Britaniyanın Avropa işləri üzrə nazirinin çıxışında rəsmi Bakını tənqid etməsinə cavab olaraq Azərbaycan XİN diplomatın çıxışını “məsuliyyətsiz mülahizələr” adlandırıb.

Baş nazirin müavini Əli Həsənov Beynəlxalq Qırmızı Xaç Komitəsinin Bakı ofisinə Ermənistan tərəfin bu günlərdə əsir götürdüyü 2 azərbaycanlı ilə görüşmədiyi halda ofisin Bakıdan çıxarılacağı hədə-qorxusu gəlib.  

Qəzet Azərbaycanda ilk dəfə sümük iliyi transplantasiyasının həyata keçirildiyini nəzərə çatdırır.

“Novoe Vremya” qəzeti Böyük Britaniyanın keçmiş naziri Toni Bleyrin Azərbaycan qazının Avropaya satqısı üzrə BP-nin yaratdığı şirkətə məsləhətçi təyin olunmasına “Azərbaycan Toni Bleyrin şəxsində “qiymətli” kadr qazandı” ironiyası ifadə edir.

Qəzet Azərbaycanda müstəqil məhkəmə sisteminin olmamasına işarə ilə “müstəqil ədalət mühakiməsi bir çox problemlərin həlli deməkdir” mövqeyi ifadə edir. Qəzet həm də ABŞ-ı bütün postsovet məkanına təhlükə adlandırır. 

“Bizim yol” qəzeti Malayziya təyyarəsinin Ukrayna səmasında vurulmasına görə Qərb dövlətlərinin Putin hakimiyyətini terrorda ittiham etməsini manjetə çıxarıb.

Qəzet türk liseylərinin bağlandığını, Təhsil Nazirliyinin bu liseylərin şagirdlərin aqibətilə maraqlanmadığını  diqqətə çatdırır.

“Yeni Müsavat” qəzeti “Des Consulting” şirkəti sovetski məhəlləsindən köçürülənlərə kv.metri 380 manatdan mənzi satacağını bəyan edəndən cəmi 24 saat sonra şirkətə qarşı cinayət işi başlamasını ilk səhifəyə çəkib və cinayət işini sifarişli sayır.

Qəzet ölkədə korrupsiyaya qarşı hər-hansı mübarizə aparılmamasını “Akkord” şirkətində 20 milyon manat yeyintinin aşkar olunduğunu, amma buna görə heç kimin həbsə alınmadığını göstərir.

QHT-lərə təzyiqlərlə bağlı dövlət başçısına müraciət edən bu qururmların rəhbərləri QHT-lərə basqıları yerli icra orqanlarının özbaşınalığı saymaq istədiklərini və dövlət başçısının səsləndirdiyi bəyanatlara zidd olduğunu bildiriblər.

Azərbaycan qazının Avropaya satışı ilə bağlı BP-nin yaratdığı şirkətə Böyük Britaniyanın keçmiş baş naziri Toni Bleyrin məsləhətçi gəlməsini qəzet “neft-qaz amilinin demokratiyanı yenə üstələməsi” kimi dəyərləndirir.