İstintaq vəkil Hilal Məmmədovla bağlı məlumatları gizlədir
“Tolışi sədo” qəzetinin həbsdə olan redaktoru Hilal Məmmədovun Hüquqlarını Müdafiə Komitəsi onun azad edilməsi məqsədilə ictimai kampaniyanı gücləndirmək niyyətindədir. Komitənin bugünki iclasında məhbusun qardaşı Səbahəddin Məmmədov bildirib ki, son həftələr iş üzrə heç bir istintaq hərəkəti aparılmır. Bu, həm qanunsuz narkotik saxlamaq, həm də dövlətə xəyanət ittihamları ilə bağlıdır.
Komitə sədri Arzu Abdullayeva Məmmədovun saxlandığı andan etibarən hüquqlarının kobud şəkildə pozulduğuna diqqət çəkib. Belə ki, o, fiziki təzyiqə məruz qalıb, evində axtarış prosessual normaların pozuntusu ilə həyata keçirilib. Təqsirsizlik prezumpsiyası pozulub.
O, bir qrup hüquqşünasa vəkillərlə birlikdə müdafiə taktikası və Məmmədovun hüquqlarının təmin edilməsi üzrə tədbirlər işləyib hazırlamağı təklif edib.
Müstəqil hüquqşünas Xalid Bağırov hesab edir ki, hakimiyyət Məmmədovun işi üzrə məlumatları gizlətməyə çalışır. Məhz buna görə vəkillərdən istintaq sirlərini açmamaq barədə iltizam alınıb. “Hüquq-mühafizə orqanları özləri itintaq materialları haqqında məlumat yayırsa, niyə vəkillərə bu qadağan edilir? Bu, vəkillərin iqtidarını əlindən almaq üçün qəsdən edilir”, deyə hüquqşünas bildirib.
Onun fikrincə, vəkillər Məmmədovun işi üzrə məhkəmənin qapalı keçirilməsi ilə əlaqədar vəsatətlə çıxış etməlidir.
Hüquqşünaslar Elçin Namazov və Namizəd Səfərov da bu fikri dəstəkləyib.
Turan İnformasiya Agentliyinin direktoru Mehman Əliyev beynəlxalq ictimaiyyətə Məmmədovun şəxsiyyəti barədə məlumat vermək məqsədilə onun haqqında bioqrafik esse hazırlamağı təklif edib.
Politoloq Zərdüşt Əlizadə Məmmədovun Hüquqlarını Müdafiə Komitəsinin fəaliyyətini “Tolışi sədo”nun baş redaktoruna beynəlxalq dəstək kampaniyası həyata keçirən Rusiyalı hüquq müdafiəçisi Svetlana Qannuşkina ilə koordinasiya etməyi təklif edib.
İclasın yekunlarına görə, hüquqşünasların yaxın günlərdə Məmmədovun hüquqi müdafiəsi üzrə konkret tədbirlər hazırlamaq, habelə ona qarşı fiziki təzyiq faktlarını araşdırmaq qərara alınıb. -16С-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz