Azərbaycan işğaldan dəyən ziyanı 100 mlrd dollar qiymətləndirir

Baş nazirin müavini, Qaçqınlar və Məcburi Köçkünlərlə İş üzrə Dövlət Komitəsinin sədri Əli Həsənov Ermənistan-Azərbaycan münaqişəsi ilə bağlı ziddiyyətli bəyanatlar verib.

“Baş vermiş münaqişələrdə dəyən zərərin hesablanması” mövzusunda keçirilən konfransda Həsənov Ermənistanın Azərbaycan torpaqlarını işğal etməsi dəyən ziyanın məbləğini 100 mlrd dollar qiymətləndirib. Eyni zamanda, o qeyd edib ki, ziyan beynəlxalq ekspertlər tərəfindən öyrənilməlidir. O, Azərbaycanda fəaliyyət göstərən QHT-ləri bu işdə iştiraka çağırıb. Onun işğal altında olan torpaqlar azad ediləndən sonra onların bərpası üzrə hazır hökumət proqramı olması barədə bəyanatı anlaşılmazlıq yaradıb. Bu proqramın nə qədər qiymətləndirilməsi barədə baş nazirin müavini heç nə deməyib. O, Ermənistan tərəfini hədələyərək bildirib ki, onlar əməllərinə görə cavab verəcəklər.

Həsənov BMT baş katibinin Azərbaycan ordusunun kvotadan artıq silahlanması barədə bəyanatından narazılığını bildirib. Biz kvotadan artıq silah əldə etmirik, Azərbaycan müdafiə gücünü artırır. Bütün ölkənin ali baş komandanın əmri ilə işğal edilən torpaqları azad etməyə hazır olduğunu deyən Həsənov baş katibi BMT TŞ-nin qətnamələrini yerinə yetirməməkdə suçlandırıb.

Baş nazirin müavini işğal altında olan torpaqlardan gələn təhdidlərdən də danışıb. Onun sözlərinə görə, bu ərazilər beynəlxalq terrorçuların hazırlanması və Əfqanıstandan Avropaya narkotrafik mərkəzinə çevrilib. Müvafiq beynəlxalq strukturlara bu barədə məlumat verilib, deyə Əli Həsənov bildirib.—0—