Texniki Tənzimləmə və Standartlaşdırma üzrə Dövlət Nəzarəti Xidməti “Müasir Gənclər” MMC-nin pivə istehsalına qadağa qoyub.
Deyilən MMC Xaçmaz rayonunun Qaraqurdlu kəndində yerləşir və uzun müddət keyfiyyətsiz məhsul istehsal edərək Quba-Qusar zonasına gələn turistləri zəhərləyib. Standartlaşdırma, Metrologiya və Patent üzrə Dövlət Komitəsindən verilən məlumata görə, pivə AZS 143-2005 dövlət standartının tələblərinə uyğun deyil.
Monitorinq zamanı müəyyən olunub ki, MMC texnoloji təlimat və resepturalar olmadan pasterizə olunmamış açıq rəngli pivənin istehsal edir. İstehsalçıların hazır məhsulun sınaqlarını aparmaq üçün laboratoriyası yoxdur, istehsal sahələri gigiyenik norma və qaydalara cavab vermir. Sabit keyfiyyətdə məhsul istehsalı üçün şərait yoxdur, istismar olunan ölçmə vasitələri müqayisəli dövlət yoxlanışından keçmədən istifadə olunur.
Həmçinin istifadə olunan avadanlıqların istismar müddəti bitib. Nəticədə məhsul texnoloji prosesdə duz məhlulu ilə qarışır. Hazırlanan pivə vaxtından tez, yəni yetişmədən istehsaldan çıxarılır. Bununla da tonlarla pivə insan həyatı və sağlamlığı üçün təhlükəli halda istehsal olunub.
Dövlət Komitəsi məlumat verir ki, dövlət nəzarəti tədbiri zamanı müəssisədə sınağı aparılmayan 2 ədəd 20 tonluq çəndə məhsul aşkar edilərək götürülüb. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz