“Ən sadə soyad” adlı trilogiyanın birinci filmi üzərində işin başa çatdırılması 2013-cü ilin mayında nəzərdə tutulub. Film Azərbaycanın üçüncü prezidenti Heydər Əliyevin həyatından bəhs edir. Filmdə H.Əliyev rolunu rusiyalı aktyor Aleksandr Nikitin oynayacaq.
Filmin baş rejissoru Ramiz Fətəliyevin sözlərinə görə, birinci film H.Əliyevin anadan olduğu vaxtdan 1969-cu ilədək – onun Azərbaycan KP MK-nın birinci katibi seçildiyi dövrü əhatə edir.
Aktyor Aleksandr Nikitin bildirib ki, çəkilişlərə başlamazdan əvvəl o, İnternetdə H. Əliyev haqqında çoxsaylı materialları oxuyub, onun manera və jestlərini müşahidə edib.
“Bütün dünyanın tanıdığı əfsanəvi şəxsiyyət Heydər Əliyevi oynamaq şərəfi mənə nəsib olub. Moskvaya mənə zəng edib çəkilişə dəvət edəndə çox sevindim, lakin gözləmirdim ki, baş rol mənə qismət olar. Məni inandırdılar ki, Əliyevlə, xüsusən onun gənclik dövrü ilə oxşarlığım var”, - o qeyd edib.
Filmin çəkiliş qrupu beynəlmiləldir – Azərbaycan, Rusiya, Ukrayna, Gürcüstandan olan kinematoqrafçılardır.
Layihəyə cəlb olunan aktyorların arasında Konstantin Qluşko, Aleksandr Andreyenko var. Onlar müxtəlif illərdə Azərbaycan SSR-nin daxili işlər nazirləri roluna çəkiliblər. Həmçinin Emmanuil Vitorqanın, Yuri Stoyanovun və başqalarının iştirakı gözlənilir. Çəkiliş prosesi yarım il davam edəcək. Çəkilişlər Naxçıvan, Moskva, Sankt Peterburq və Riqada aparılacaq. -0-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz