Sumqayıtda çıxan “Yüksəliş naminə” qəzetinin redaktor müavini Elçin Həsənov Gürcüstan sərhədini keçərkən ölkədən buraxılmayıb.
Həsənov qəzetin redaktoru Elçin Məmmədli ilə birlikdə daha sonra Strasburqa səfər etmək məqsədilə Tbilisiyə gedirdilər.
Məmmədli buraxılıb, Həsənov isə saxlanılıb. Sərhəd xidmətçiləri qadağanın aprelin 8-də DİN-in Mütəşəkkil Cinayətkarlığa qarşı Mübarizə Baş İdarəsi tərəfindən qoyulduğunu deyiblər.
Həsənovun özünün Turan agentliyinə verdiyi məlumata görə, aprelin 6-da o, bu idarəyə çağırılıb və Cəfərov soyadlı bir şəxsin şikayəti ilə ona qarşı xuliqanlıq ittihamı ilə cinayət işi açıldığı bildirilib. Bu, “Asiya” agentliyinin rəhbəridir, Həsənlinin onu döydüyünü iddia edir. Maraqlıdır ki, Cəfərov özü həbsdədir.
Sərhədçilər Həsənlini Qazax rayon polisinə təhvil veriblər, burada ondan aprelin 21-də MCMBİ-yə getməli olduğu haqqında iltizam alıblar.
Həsənov AXCP Ali Məclisinin üzvüdür. “Yüksəliş naminə” qəzeti 2005-ci ildən çıxır, lakin 2014-cü ilin ortalarında xarici donorların qrantlarının dondurulması ilə əlaqədar qəzetin nəşri dayandırılıb. İndi qəzetin internet versiyası fəaliyyət göstərir. -06B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz