İKT inkişafı üzrə mövqe pisləşib

Azərbaycan informasiya-kommunikasiya texnologiyalarının inkişafı üzrə 143 ölkə arasında  57-ci olub (ötən ilə nisbətən 8 pillə geriləmə) olub.

World Economic Forum (İsveçrə) 2015-ci il üzrə The Networked Readiness Index hesabatını açıqlayıb. 

NRI indeksi 2001-ci ildən əlçatan statistik məlumatlar və şirkət rəhbərlərinin sorğularının nəticəsi əsasında hazırlanır. Hesablama ölkə iqtisadiyyatlarının İKT-nin maksimal istifadəsinə hazırlığının qiymətləndirilməsi əsasında həyata keçirilir. Bununla belə 2015-ci il üçün dörd subindeks formalaşdırılır: İKT-nin inkişafı üçün şəraitin mövcudluğu (Environment subindex), vətəndaşların, işgüzar dairələrin və dövlər orqanlarının İKT istifadəsinə hazırlığı (Readiness subindex), ictimai, kommersiya və dövlət sektorlarında İKT-nin istifadə səviyyəsi (Usage subindex), həmçinin informasiya texnologiyalarının iqtisadiyyata təsiri (Impact subindex). NRI-nin hazırlanması zamanı 53 göstərici nəzərə alınır. İlk beşliyə Sinqapur, Finlyandiya, İsveç, Niderland və Norveç daxildir. Azərbaycandan başqa hesabata adı düşən keçmiş SSRİ ölkələrinin reytinqdə yeri belədir: Estoniya (22) Litva (31) Latviya (33), Qazaxıstan (40), Rusiya (41), Ermənistan (58), Gürcüstan (60), Moldova (68) və Ukrayna (71). --17D—

Rəy yaz

İqtisadiyyat

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti