Bakı/24.10.17/Turan: Oktyabrın 24-də Bakı Ağır Cinayətlər Məhkəməsində "Kanal 13" İnternet televiziyasının icraçı direktoru Əziz Orucovun cinayət işi üzrə hakim Mirzəli Xankişiyevin sədrliyi ilə keçirilən məhkəmə iclası şahid ifadələri ilə davam etdirilib.
"Kanal 13"də mühasib işləmiş Kübra Məmmədova ifadəsində bildirib ki, televiziya və Qafqaz Media Mərkəzi ilə əməkdaşlıq edib. O, vergidən yayınmadığını və vergidən yayınma hallarına rast gəlmədiyini bildirib.
"Mən 2009-cu ildən işləmişəm və vergidən yayınma halı ilə rastlaşmamışam. Layihələrdən asılı olaraq 100-150 manat maaş almışam", - o qeyd edib.
Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatının sədri Faiq İsmayılov da layihələrdə iştirak etdiyini bildirib.
Məhkəmə iclası noyabrın 3-dək təxirə salınıb.
Əziz Orucov bu il mayın 2-də polisə müqavimət ittihamı ilə saxlanılıb, ona 30 sutka inzibati həbs cəzası verilib. İyunun 1-də Baş Prokurorluğun Ağır Cinayətlərə dair İşlər üzrə İstintaq İdarəsində Ə.Orucovun barəsində cinayət işi başlanıb, ona Cinayət Məcəlləsinin 192-ci (qanunsuz sahibkarlıq) və 308-ci (vəzifə səlahiyyətlərindən sui-istifadə) maddələri ilə ittiham irəli sürülüb.
Daha sonra Nəsimi Rayon Məhkəməsinin qərarı ilə Ə.Orucovun barəsində həbs qətimkan tədbiri seçilib.-03B-
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz