Azərbaycanda ədalətə nail olmaq imkanları tükənən Turan agentliyinin və “Amerikanın səsi” radiostansiyasının müxbiri Tapdıq Fərhadoğlu Avropa İnsan Hüquqları Məhkəməsinə şikayətlə müraciət edib.
Şikayət BDU tələbələrinin etiraz aksiyasını işıqlandırarkən ona hücum faktının araşdırılmaması ilə bağlıdır. Bu hücum nəticəsində jurnalist ciddi xəsarətlər alıb və əmək qabiliyyətini qismən itirib.
AİHM-də Fərhadoğlunun maraqlarını Strasburq məhkəməsində artıq bir neçə işi qazanmış hüquqşünas Samirə Ağayeva təmsil edəcək.
Ağayevanın Turan agentliyinə verdiyi məlumata görə, şikayətdə jurnalistin Avropa İnsan Hüquqları Konvensiyasının 3-cü – işgəncə və qeyri-insani rəftarın qadağan edilməsi, 6 - ədalətli məhkəmə təhqiqatı hüququ və 10-cu – ifadə azadlığı maddələrində zəmanət verilmiş hüquqlarının pozulması məsələləri qaldırılıb.
Xatırladaq ki, 20 fevral 2014-cü il tarixində Fərhadoğlu tələbələrin etiraz aksiyasını çəkərkən BDU-nun mühafizə xidmətinin rəhbəri Mahir Höcətov jurnalistin kürəyinə və başına yumruq və təpiklə vurub.
Həmkarları Höcətovun jurnalistə hücumu faktını lentə alıblar. Faktiki olaraq, CM-in 163-cü (jurnalistin qanuni fəaliyyətinə maneə yaratmaq) maddəsində nəzərdə tutulmuş cinayət törədilib.
Video və digər dəlillərin olmasına baxmayaraq, Yasamal rayon prokurorluğu faktla bağlı cinayət işi açmaqdan imtina edib. Jurnalist Yasamal rayon məhkəməsinə müstəntiqin fəaliyyətsizliyindən şikayət verib, amma əbəs yerə, Fərhadoğlunun apellyasiya şikayəti də təmin edilməyib. -06В-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz