Fevralın 21-də Sabunçu rayon məhkəməsində keçmiş MTN-in üç generalının və ölkənin ləğv olunmuş u qurumunun zabitlərindən ibarət böyük bir qrupun işi üzrə hazırlıq iclası davam edib.
Müttəhimlər kürsüsündə generallar Sübahir Qurbanov, Teymur Quliyev və Natavan Mirvətova, həmçinin baş zabitlər Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev və Elşad Əzizov var.
Proses qapalı rejimdə keçirilir. İclas başa çatdıqdan sonra vəkillər jurnalistlərə bildiriblər ki, Sübahir Qurbanovun müalicəyə göndərilməsi haqqında vəsatət qaldırıblar. Amma məhkəmə xahişi baxılmamış saxlayıb.
Məhkəmə işə mahiyyəti üzrə baxılmasını fevralın 28-nə təyin edib.
Xatırladaq ki, bu zabitlər uzun illər ərzində ağır cinayətlər, o cümlədən rüşvət tələb etmə, fırıldaq, reket, qanunsuz izləmə, həbs və s. törətməkdə ittiham olunurlar.
Onların fəaliyyəti nəticəsində xüsusi şəxslərə, sahibkarlara və təşkilatlara milyonlarla ziyan dəyib.
MTN işi üzrə ümumilikdə 20 yüksək vəzifəli zabit, o cümlədən 4 general həbs olunub.
Hazırda general Akif Çovdarov başda olmaqla, MTN işçilərindən ibarət daha bir qrupun işi üzrə məhkəmə gedir. -02D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz