Keçmiş rektor $2 mln. rüşvət barədə danışıb

Beynəlxalq Universitetin keçmiş rektoru Elşad Abdullayev KİV-ə müraciət edərək bildirib ki, 2005-ci il parlament seçkiləri ərəfəsində parlamentə seçilmək və oğurlanmış qardaşı Mahir Abdullayevin buraxılması üçün deputat Gülər Əhmədovaya $2 mln. verib.

Bəyanatdan məlum olur ki, pulun Prezident Administrasiyasının rəhbəri Ramiz Mehdiyevə çatdırılması əməliyyatında deputat G.Əhmədova, onun rəfiqəsi Sevinc Babayeva iştirak ediblər. Pul S.Babayevaya verilməli idi və o da öz növbəsində həmin onu R.Mehdiyevə çatdırmalı idi. 

  İddiaçı bildirir ki, (vəkil Adil İsmayılov təsdiqləyir) onda və prokurorluqda G.Əhmədova və S.Babayeva  ilə işgüzar görüşlərin audioyazısı var.  G.Əhmədova öz vədini yerinə yetirmədikdə və Abdullayevlə haqq-hesab çəkəcəyini bildirdikdən sonra o, əlində olan kompromatı baş prokuror Zakir Qaralova təqdim edərək CM-in 311-ci maddəsilə (rüşvət almaq) cinayət işinin qaldırılmasını tələb edib.  Lakin nə baş prokuror, nə də Prezident Administrasiyasının hüquq-mühafizə orqanları ilə iş şöbəsinin müdiri Fuad Ələsgərov işlə maraqlanmayıblar.   

2010-cu ildə E.Abdullayevin qohumu vəkil A.İsmayılovla onun hüquqlarının müdafiəsi ilə bağlı müqavilə imzalayıb. Lakin Baş Prokurorluğun Ağır Cinayətlərə dair İstintaq İdarəsinin rəhbəri Eldar Əhmədov zərərçəkən tərəfin nümayəndəsi kimi vəkilin hüquqlarını tanımayıb.  

Bir il yarımdan sonra A.İsmayılovun hüquqları tanınıb. Lakin iyulun 17-də MTN Akademiyasının kafedra müdiri vəzifəsində çalışmış Mahir Abdullayevin oğurlanması və öldürülməsi faktı üzrə sənədlərin təqdimatına dair müdafiə tərəfinin vəsatəti ilə bağlı etiraz daxil olub. E.Abdullayevin sözlərinə görə, o, qardaşını buraxmaq üçün onu oğurlayanlara $3 mln. verib.  

Hazırda Fransada olan keçmiş rektor KİV-ə müraciətində ona dəyən zərərin ödənilməsini, hakimiyyətdən onu rahat buraxmağı tələb edir. O, öz həyatına təhlükənin olmasından narahatlığını ifadə edir.

Turan-ın müxbiri şərh üçün deputat G.Əhmədovaya və Baş Prokurorluğa müraciət edib. Deputat agentliyin sorğusuna cavab verməyib. Baş Prokurorluğun mətbuat xidmətinin rəhbəri Eldar Sultanov isə yalnız Baş Prokurorluq rəhbərliyinin rəsmi reaksiyasından sonra cavab verməyin mümkünlüyünü bildirib.

E.Abdullayev 2010-cu ilin dekabrında Azərbaycanı tərk edib. Belə ki, həmin il noyabrın 24-də prokurorluq Beynəlxalq Universitetin nəzdindəki özəl klinikada insan orqanlarının qanunsuz transplantasiyasına dair cinayət işi qaldırıb. Lakin şəxsən E.Abdullayevə qarşı cinayət işi açılmayıb. Belə ki, bundan əvvəl 2010-cu ilin yayında onun universiteti bağlanmışdı.

Qəribədir ki, prokurorluq qanunsuz transplantasiya barədə Ukrayna DİN-in təqdim etdiyi faktları təkzib edib və yalnız üç aydan sonra cinayət işi qaldırıb. Təhqiqatda iştirak etmək üçün Ukraynadan müstəntiqlər gəliblər, bu ölkədə də transmilli həkimlər qrupu orqanların transplantasiyasını keçiriblər.  Həkimlərin arasında Türkiyə, Ukrayna və digər ölkələrin vətəndaşları olub.

Cinayət ondan ibarət olub ki, həkimlər donorlardan böyrəyi 10 min dollara alaraq onu ehtiyacı olanlara dəfələrlə baha qiymətə yerləşdiriblər. Əməliyyat 100 min dollara kimi başa gəlib. Qeyri-rəsmi məlumatlara görə, Bakıda 10-dan çox belə əməliyyat aparılıb—0-- 

 

 

Rəy yaz

Cəmiyyət

Qubad İbadoğluna qarşı yeni ittiham? – Qardaşı Qalib Bayramov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti