KXCP fəalı Ceyhun Nəbinin saxlanıldığı bildirilir
Bakı/23.10.18/Turan: Yaxın günlərdə Rusiyadan Azərbaycana qayıdan cumhuriyyət tarixi üzrə araşdırmaçı, Klassik Xalq Cəbhəsi Partiyasının fəalı Ceyhun Nəbi oktyabrın 23-də yaşadığı Şəmkir rayonunda (Bakıdan 400 kilometr qərb) saxlanılaraq Bakıya gətirilib. Şəmkir rayon Polis Şöbəsi Ceyhun Nəbinin ailəsnə onun saxlanıldığını təsdiq edib. Bu barədə hüquq müdafiəçisi Oqtay Gülalıyev facebook səhifəsində yazıb.
Ceyhun Nəbinin atası Sərdar Nəbiyev də oğlunun saxlanıldığını təsdiq edib.
"Şəmkir rayon Polis Şöbəsindən mənə dedilər ki, Ceyhun Nəbi facebook səhifəsində yazdığı yazılara görə həbs edilib və Bakı şəhərinə aparılıb. Hazırda oğlumun harda olduğunu və başına nə gəldiyini bilmirəm", Sərdar Nəbiyev bildirib.
Fəala qarşı rəsmi ittihamın irəli sürülüb-sürülməməsi hələ məlum deyil. Bununla yanaşı, Ceyhun Nəbinin saxlanılmasının səbəbi ilə bağlı Şəmkir rayon Polis Şöbəsindən məlumat almaq mümkün olmayıb.
Ceyhun Nəbi Azərbaycan Xalq Cümhuriyyətinin yaranmasının 100-cü ildönümü ilə bağlı "Sovetlərlə üz-üzə" adlı kitabının müəllifidir.
Onun facebook səhifəsində (https://web.facebook.com/ceyhun.nabi) Azərbaycan iqtidarının tənqidinə yönəlmiş çoxsaylı statuslar var.--03b06
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz