İyulun 22-də saat 13:45-də Baş Prokurorluğun Ağır Cinayətlər İdarəsinin müstəntiqi İbrahim Ləmbəranski dördüncü dəfə Leyla Yunusun mobil telefonuna zəng edib və onun və həyat yoldaşı Arif Yunusovun Baş Prokurorluğa dindirməyə gəlməsini tələb edib.
Buna cavabda Leyla Yunus yenə təkrar edib ki, əvvəlcə prokurorluq onun və Arif Yunusovun aeroportda qanunsuz olaraq əllərindən alınmış pasportlarını və mənzilinin sənədlərini qaytarmalıdır.
Yalnız bundan sonra onlar dindirməyə gələcəklər. Bu barədə Turan-a Leyla Yunus məlumat verib.
Xatırladaq ki, prokruroluq jurnalist Rauf Mirqədirova qarşı Ermənistanın xeyrinə casusluq ittihamı ilə cinayət işi açıb. Guya Mirqədirov bu cinayəti Leyla Yunusun rəhbərlik etdiyi Sülh və Demokratiya İnstitutunun layihəsi çərçivəsində Ermənistana səfər edərkən törədib. -02D-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Rəy yaz