Koreyalılar Bakıda göydələnlər tikəcək və bulvarı abadlaşdıracaqlar

Yaxın gələcəkdə qeyri-adi formalı iki yeni bina Azərbaycan paytaxtının sahilyanı hissəsini bəzəyəcək. Bu, Heerim Architects dizayner bürosunun ticarət-mehmanxana kompleksi layihələridir.

 Kompleks The Crescent (Aypara) adlandırılacaq, onun tərkibinə bir neçə göydələn daxildir, onlardan biri “Dolu ay körfəzi” (Full Moon Bay) adlanacaq.

 35 mərtəbəli bina qabırğa üzərində disk formasında olacaq.

 Mehmanxana kimi nəzərdə tutulmuş digər bina “Aypara sarayı” (Crescend) adlanacaq. Bina 32 mərtəbəli olacaq.

 Hər iki binanın fasadı Bakı buxtasına baxacaq.

 Otellərin arxasında 4 yüksək mərtəbəli bina yerləşəcək, onların üçü yaşayış sektoru kimi nəzərdə tutulub. Dördüncü göydələndə ticarət mərkəzi yerləşəcək.

 Koreya arxitektorlarının təklif etdiyi layihə Azərbaycan hökuməti tərəfindən təqdir edilib. Yeni ticarət-mehmanxana kompleksinin tikintisinin 2016-cı ilin ikinci yarısında yekunlaşması planlaşdırılır.

 Şirkətin saytındakı dizaynlara əsasən, binalardan biri Bayıl qəsəbəsində, digəri isə “Ağ Şəhər”in qarşısında tikiləcək.

 Bu layihələrin dəyəri və kimin tərəfindən maliyyələşdiriləcəyi haqqında məlumat verilmir. Lakin belə meqa binaların tikintisi 100 ildən çoxdur dəyişən Bakı bulvarının xarici görünüşünü dəyişdirəcək. -02D-