Açiq mənbələrdən foto.
Bakı/24.05.21/Turan: Milli Televiziya və Radio Şurasının qərarları “Lider” TV-nin və digər 3 telekanalın yayımı ilə dayanır. Bu barədə mayın 24-də Milli Televiziya və Radio Şurasının iclasında qərar verilib.
“Lider” TV-nin yayımı iyunun 1-dən dayandırılacaq, onun lisenziyasına xitam verilib. Bu qərar “Lider TV və Radio-Azərbaycan” Məhdud Məsuliyyətli Cəmiyyətinin müflisləşməsinin məhkəmənin qanuni qüvvəyə minmiş qətnaməsi ilə təsdiq olunduğunu nəzərə alaraq verilib.
İclasda, həmçinin, “Kaspi Global” Məhdud Məsuliyyətli Cəmiyyətinin (Dalğa TV) peyk televiziya yayımının ardıcıl olaraq 30 gündən artıq müddətdə həyata keçirilmədiyini, “Mingəçevir” Televiziya və Radio Şirkətinin (Mingəçevir TV) və “Alternativ Tele-Radio” Məhdud Məsuliyyətli Cəmiyyətinin (ARB Ulduz TV) regional televiziya yayımının bir il ərzində 60 gün əsassız həyata keçirilmədiyini nəzərə alaraq, bu televiziya yayımçılarının lisenziyalarına xitam verilməsi barədə müvafiq qərarlar qəbul edilib.
Xatırlatma: Ötən ilin iyununda Bakı Kommersiya Məhkəməsində “Lider TV və Radio-Azərbaycan” Məhdud Məsuliyyətli Cəmiyyəti müflis elan edilib.
Məhkəmə Rabitə Nazirliyinin “Peyk Rabitəsi” İstehsalat Birliyinin “Lidert TV və Radio - Azərbaycan” Məhdud Məsuliyyətli Cəmiyyətinə qarşı iddiasını təmin edərək, teleşirkəti müflis elan edib.
Məhkəmə “Teleradio” İstehsalat Birliyinin texniki direktoru Mikayıl Abbasovu əmlak inzibatçısı təyin edib.
“Teleradio” İstehsalat Birliyi iddia ərizəsində göstərib ki, “Lider TV və Radio-Azərbaycan” Məhdud Məsuliyyətli Cəmiyyəti müqavilə öhdəliklərinə əməl edə bilmir. Ona görə də müflis elan edilməlidir. Əmlak inzibatçısının təyin olunmasına gəlincə, şirkətin mülkiyyətində olan əmlak qiymətləndiriləcək və öhdəliklərin icrasına yönəldiləcək.
Ekpertlər deyirlər ki, son illər şirkətin ciddi maliyyə çətinlikləri yaranıb və şirkət əməkdaşlarının maaşları ödənilməməyə başlayıb. Bundan başqa, şirkət Rabitə Nazirliyinin qurumlarına yerüstü və peyk yayımına görə ödəniş edə bilməyib və böyük məbləğdə borcu yaranıb.
“Lider” telekanalı 2000-ci ilin sentyabrından efirdədir. Lakin “Lider TV və Radio-Azərbaycan” Məhdud Məsuliyyətli Cəmiyyəti bundan öncə - 1999-cu ildə təsis olunub. -16D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz