Media-icmal 07.03.2016

Rəsmi qəzetlər Macarıstan baş naziri Viktor Orbanın, BMT Dünya Turizm Təşkialtı baş katibinin başçılıq etdiyi nümayəndə heyətinin Azərbaycana səfəri haqda informasiyalara yer veriblər.

Müstəqil media isə bəzi icra başçılarının həbs oluna biləcəkləri, dollarla götürülən kreditlər sahəsindəki durum mövzularını gündəmdə saxlayırlar. 

Azərbaycan dünyada söz sahibinə dönür

“Azərbaycan” qəzeti “Cənub Qaz Dəhlizi” layihəsilə bağlı mövzu hələ də diqqət mərkəzində qalır.

“Cənub Qaz Dəhlizi layihəsinin həyata keçirilməsi enerji məsələlərində Azərbaycanın mühüm siyasi-diplomatik uğurudur. Bu uğur Azərbaycanın enerji təhlükəslzliyində söz sahibinə çevrilməsi ilə yanaşı hər bir məsələdə mövqeyindən, əməkdaşlıq əlaqələrində etibarlı tərəfdaş olmasından və beynəlxalq birlikdə yüksək nüfuz sahibinə çevrilməsindən irəli gəlir”. Qəzet haqqında danışlıan layihəni belə dəyərləndirir.

Azad edilən icra başçları həbs edilə bilər 

“İşdən çıxarılan icra başçıları həbs oluna bilər və onların fəaliyyətinin yoxlanılmasına başlanılıb.” “Azadlıq” qəzeti bu günlərdə işdən azad edilən Cəbrayıl, Laçın və Salyan rayon icra başçılarının “perspektivi” haqda belə yazır.

Qəzetin iddiasına görə,  devalvasiyadan sonra, yəni, yanvarın 11-də və sonrakı günlərdə etiraz aksiyaları keçirilən rayonların icra başçılarının azad edilmələri yuxarılarda müzakirə mövzusu olub. Daha sonra qəzet devalvasiyadan sonra Lənkəran, Füzuli, Siyəzən,Ağcabədi,Ağsu, Quba, Astara, Beyləqan, Cəlilabad rayonlarında belə aksiyaların keçirildiyini xatırladır.

“İşdən çıxarılan icra başçılarının məsuliyyətə cəlb ediləcəkləri haqda da iddialar var. Cəbrayıl rayonunun  keçmiş icra başçısı Mahmud Quliyevin, Laçının keçmiş başçısı Akif Səlimovun və Salyan rayonun keçmiş icra başçısı Tahir Kərimovun fəaliyyətinin yoxlanılmasına tapşırıq verilib”deyə qəzet yazır.

Bundan əlavə, Cəbrayıl rayonunun  keçmiş icra başçısı M.Quliyevin Biləsuvarda (Cəbrayıl Rayon İcra Hakimiyyəti bu rayonda yerləşir)  min hektarlarla əkin sahələri, mal-qoyun fermaları Bakıda isə iaşə obyektləri, qohumlarının adına mənzilləri, dükanları və bahalı butikləri var.

M.Quliyevin fəaliyyətinin yoxlanəlması barədə Baş Prokuroluqda tədqiqat başlanıb. Qəzetə görə,  bu məsələdə rayona aid büdcə xərcləmələrinə dair Hesablama Palatasının rəyləri də əsas götürülüb.

“Oxşar yoxlamalar Laçının və Salyanın icra Hakimiyyətlərində də aparılacaq, artıq aidiyyatı qurumlara tapşırıqlar verilib”, - qəzet bildirir.                     

Dollar kreditləri sahbkarlara da problem yaradıb

“Əhalinin dollarla götürdüyü kreditlərin qaytarılmasında problemlər var, hökumət güzəştə getmir, borclular da ödəmir”. “Yeni Müsavat” qəzeti bunu dollarla götürülən kreditlər sahəsindəki durumla bağlı bildirir.

“Artıq insanlar bu problemdən beziblər. Bu məsələ birədəflik həll olunmalıdır. Bununla bağlı dəfələrlə biz müvafiq orqanlarla danışıqlar aparmışıq. Artıq Mərkəzi Bank, ya da hökumət məsələni həll etməlidir”. Bunu isə deputat Vahid Əhmədov parlament iclasında deyərək bu sahədə problemin dərin olduğunu vurğulayıb.

Azərbaycan Mikromaliyyə Assosiasiyasının  sədri Süleyman Kələşov bu kreditlərin sahibkarlar üçün də problem yaratdığını deyir. “Odur ki, bu məsələ ilə bağlı müəyyən qərar qəbul edilməsi vacibdir”. S.Kələşov çıxış yolunu bunda gördüyünü bildirir.Onun fikrincə, indiki halda kreditlərin dollarla 30, manatla 70 faizinin  verilməsi daha məqsədyuğundur.

Atıq əhali də bu məsələdə fəallaşıb. Dollarla kredit borcu olan 27 borclu birləşərək   müştərisi olduqları bankı məhkəməyə  veriblər.

“Manatın devalvasiyasından sonra bankdan götürdüyü dollar kreditlərini ödəməkdə çətinlik çəkən onlarla  adam “Antikollektor” şirkətinə üz tutub və biz bu məhkəmələri ictimailəşdirəcəyik”. Ekspeet Əkrəm Həsənov bu sahədə sadə vətəndaşlara hüquqi yardımla bağlı atılan addımlar barədə deyir.