Media-icmal 09.11.18

9 noyabr Dövlət Bayrağı günü, deputatın büdcə layihəsinə baxışı, ictimai nəqliyyatın vəziyyəti və s. məsələlər bugünkü (09 noyabr, 2018-ci il) medianın aparıcı mövzularındandır.

Əsr yaşlı bayraq

"Azərbaycan" qəzeti "Heç zaman enməyəcək müstəqillik rəmzi" sərlövhəli məqaləni 9 noyabr -Dövlət Bayrağı Gününə həsr edib.

Müəllif məqaləni böyük dramaturq Cəfər Cabbarlının 1919-cu il avqustun 29-da "Azərbaycan" qəzetində çap edilən "Azərbaycan bayrağına" şeirinin misraları ilə başlayır, bayrağın mənəvi mahiyyətini ədəbi şəkildə təqdim edir.

Müəllif vurğulayır ki, bir əsr əvvəl, 1918-ci ildə Azərbaycan Xalq Cümhuriyyəti tərəfindən qaldırılan bayraq isə xalqın tarixində misilsiz rol oynayıb.

Məqalə müəllifi deyir ki, 1918-ci il 21 iyun 1918-ci ildə Fətəli xan Xoyskinin rəhbərlik etdiyi hökumətin qərarı ilə üzərində ağ rəngli aypara və səkkizguşəli ulduz təsviri olan qırmızı rəngli bayraq Cümhuriyyətin dövlət bayrağı kimi qəbul edilir.

Müəllif vurğulayır ki, amma 1918-ci il noyabrın 9-da hökumət Azərbaycanın yeni mavi, qırmızı, yaşıl zolaqlardan ibarət və üzərində ağ rəngli aypara və səkkizguşəli ulduz təsviri olan üçrəngli bayrağının dövlət bayrağı kimi təsdiq olunması qərarı qəbul edir.

Yeni bayraq ilk dəfə həmin gün Bakıda Azərbaycan Xalq Cümhuriyyəti Nazirlər Şurasının yerləşdiyi binada qaildırılır.

Himn yazılmadığından Üzeyir Hacıbəylinin təklifi ilə onun "Leyli və Məcnun" əsərində Nofəl səhnəyə gələrkən səsləndirilən coşdurucu musiqi ("Heyratı" üstündə) çalınması qəbul edilir.

Yazı müəllifi qeyd edir ki, bayraq hər bir millətin kimliyinin, dilinin, mədəniyyətinin, dini-mənəvi əxlaqının, bir sözlə, milli ideologiyasının ifadəsidir: "Bu mənada üçrəngli bayrağımızın da milli varlıq fəlsəfəsi özünəməxsusdur. Milli bayrağımızdakı göy rəng türkçülüyü, qırmızı rəng müasirliyi, yaşıl rəng islam ideologiyasını ifadə edir.

Məqalə müəllifi vurğulayır ki, bütün türk milləti üçün böyük bir ideala və məqsədə çevrilən bu üçlük şüarının banisi türk dünyasının böyük mütəfəkkiri olan Əli bəy Hüseynzadədir.

Müəllif bayrağın üzərindəki ay-ulduzun hansı mənanı daşıması barədə elmi ifadədə vahid mövqe olmadığını deyir və müəyyən mülahizələri nəzərə çatdırır.

Məqalə müəllifi deyir ki, 70 illik sovet dönəmi milli və dövləti azadlığım simvolu olan üçrəngl bayrağı azərbaycanlılara unutdura bilmədi və milli azadlıq mübarizəsi dövründə bu azadlıq rəmzi kimi yüksəldi və dövlət bayrağı kimi haqq etdiyi zirvəyə yüksəldi.

Müəllif vurğulayır ki, 2009-cu ildən 9 noyabr Azərbaycanda Dövlət Bayrağı Günü elan edilib, qeri-iş günü sayılır, 201-cu ildə bu bayrağın şərəfinə Bayraq Meydanı yaradılıb.

Əgər büdcə sosialyönlüdürsə...

"Oxu.az" saytında isə "Deputat: Biz yazıq ölkə deyilik" sərlövhəli məqalə diqqət cəlb edir.

Sayt deputat Aytən Mustafazadənin 2019-cu il dövlət büdcəsinin layihəsində bəzi istiqamətlər üzrə düşüncələrinə yer verib.

Müəllif deyir ki, deputat A.Mustafazadə büdcənin sosial mahiyyətli olduğu deyilsə də bu tələblərə cavab vermədiyini iddia edir: "Biz həmişə deyirik ki, büdcəmiz sosialyönlü büdcədir, amma pensiya alan pensiyaçı, ya da əlil bunu hiss etmir".

Deputat deyir ki, ölkə vətəndaşlarına ödənilən pensiya və müavinətlərin azlığı büdcənin iddia olunan mahiyyətilə üst-üstə düşmür: "Pensiyası 5-10 manat artan pensiyaçı heç nə edə bilmir. 144 manat alan pensiyaçı onu yalnız kommunal xərclərinə verir. Başa düşürsünüz, biz sosial xartiyadan, hüquqlardan danışırıq".

A.Mustafazadə vurğulayır ki, deputat Səttar Möhbalıyevin bu istiqamətdə çıxışının əvvəli nikbin olsa da sonu "bunların hamısını yerinə yetirə bilmərik"

deməklə bədbin notlarla bitib və bundan irəli gələrək deputat həmkarına "niyə yerinə yetirə bilmirik?" sualını ünvanlayıb.

Deputat A.Mustafazadə hesab edir ki, Azərbaycan hakimiyyəti bunu edə bilər və kifayət qədər maliyyə resursları da var: "Dünən də müzakirə zamanı maliyyə naziri Samir Şərifov dedi ki, biz Azərbaycanı Belarusla müqayisə edə bilmərik. Niyə edə bilmərik? Cənab prezident o qədər səy göstərib ki, yəni, Azərbaycan geostrateji layihələrin təşəbbüskarıdır, bu layihələrin maliyyəsini verir, kənd təsərrüfatı inkişaf etdirilib. Sonuncu reytinqlərə baxaq, Azərbaycan heç də yazıq ölkə deyil".

Hökumətin pensiya və müavintələrin kəskin artırılmasına gəlincə deputat deyir ki, 10 milyonluq Azərbaycan çox qüdrətli bir dövlətdir və vətəndaşlarına layiq olduqları qayğını göstərə bilər.

A.Mustafazadə deyir ki, əgər büdcə sosialyönlüdürsə bu əksini konkret rəqəmlərdə tapmalı, maaşlar və müavinətlər artırılmalıdır.

Keyfiyyətsizə lüks demək məcburiyyəti

"Bizimyol.info.az"da isə "Yeni avtobuslar keyfiyyətsiz olsa da məcburuq qəbul edək"-açıqlama" sərlövhəli məqalə oxumaq olar.news/117094.htmlws/117094.html

Müəllif Bakı Nəqliyyat Agentliyinin (BNA) Türkiyə istehsalı olan "Karsan" markalı avtobusların Bakıya gətirilərək ictimai sərnişindaşımada istifadə olunmasının müsbət-mənfi cəhətlərini nəqliyyat sahəsi üzrə ekspert Elməddin Muradlı ilə müzakirə edir.

Müəllif deyir ki, BNA ölkəyə ümumi dəyəri 5 mln. dollar olan 50 sərnişin avtobusu gətirib və təqdimatını keçirib.

Müəllifin deməsinə görə, Türkiyə istehsalı olan bu avtobuslar orada qəsəbədaxili və qəsəbələrarası istifadə üçün nəzərdə tutulsa da Azərbaycanda bu avtobuslar şəhərdaxili istifadə üçün planlaşdırılır.

E.Muradlı isə "bizimyol.info"ya açıqlamasında bu avtobusların ucuz və keyfiyyətsiz olduğunu deyir. "Türkiyə istehsalı olan "Karsan" avtomobili artıq uzun illərdir ki, istifadə edilir. Türkiyədə qəsəbədaxili sərnişindaşıma üçün nəzərdə tutulan həmin avtobuslar ölkəmizdə də qəsəbələrarası sərnişindaşıma üçün istifadəyə veriləcək. Həmin avtobusların qatarla toqquşan 160 nömrəli marşrut xəttinə verilməsi də nəzərdə tutulub ki, bu da qəsəbədaxili sayılır".

Bakının ictimai nəqliyyat sisteminin çox ağır olduğunu deyən E.Muradlı 3000- 3500 avtobusdan ibarət bu parkın yenilənməsini dövlətin üzərinə qoymağı doğru saymır: "Bakı şəhərinin ictimai nəqliyyat sistemində 3 min, 3500 avtobus var, hər bir avtobusun qiyməti minimum 100-150 min manat arasındadır, bunun tam yenilənməsi 525 milyon manat vəsait deməkdir".

E.Muradl deyir ki, bu xərcin çox hissəsi daşıyıcı şirkətlərin üzərinə düşür, amma son illərin təcrübəsi göstərir ki, daşıyıcı şirkətlərin şoxu bu işi görə bilmir: "Sadəcə, bir dəfə yatırım edib avtobus alıblar və düşünürlər ki, ölənə kimi də bu avtobuslar xidmət göstərməlidir və onun cibinə pul axmalıdır".

Ekspertə görə, artıq zaman dəyişib, dövlətin daşıyıcı şirkətlər qarşısında müəyyən tələbləri var, rəqabət güclənir, tələblərə cavab verə bilməyənlər sıradan çıxacaqlar.

E.Muradlı hesab edir ki, ictimai nəqliyyat sistemində köklü islahatlara ehtiyac var, belə nəqliyyat vasitələrinin ölkəyə gətirilməsi isə vəziyyətdən çıxış yoludur: "Nə qədər ucuz və keyfiyyətsiz olsa da məcburuq ki, bunu bəh-bəhlə, keyfiyyətli nəqliyyat vasitəsi kimi qəbul edək. Bununla da kifayətlənmək olar, amma "Karsan" avtobusuna komfortlu avtobus demək doğru deyil".