Media-İcmal 10.02.16

“Hökiumət növbəti bahalaşmaya gedir”, -“Azadlıq” qəzeti yazır. Qəzet buna səbəb kimi dövlət qurumları ilə idxalçılar arasında gedən qiymət savaşından doğan zərbələrin vətəndaşlara dəydiyi qənatəindədir. Qəzet görə, yanvar ayında idxalın 65-70% azalması da bundan irəli gəlir. İdxalçılar Gömrük komitəsinin rüsumları artırmasını etirazla qarşılayırlar. Digər tərəfdən isə iş adamları hüquqlarının etibarlı qorunmadığını bildirirlər. Hətta qəbul edilməsi gözlənilən antidempinq qanunu da iş addmlarını müdafiə edə bilmir. “Bu qanunun qəbulunda məqsəd yerli istehsalçılara dəstək vermək deyil, çünki Azərbaycanda daxili istehsal tələbatı ödəyəcək səviyyədə deyil. Ölkədə idxal mafiyası, korrupsiya və rüşvətin qarşısı alınmayınca yerli istehsalın əhəmiyyətinin artacağı real görünmür”, -  qəzet bildirir.

“Yeni Müsavat” qəzeti “Beynəlxalq bank qalmaqalı” ilə bağlı 25 nəfərin işinin bu ilin mayında məhkəməyə göndəriləcəyini bildirir. Vəkil Kamandar Nəsibov isə bu məsələ üzrə istintaqın getmədiyi düşüncəsindədir. Həbs edilənlər sırasında K.Nəsibovun vəkili olduğu Beynəlxalq Bankın Dubay filialının rəhbəri Adil Hüseynov da var. A.Hüseynov 9 ay əvvəl həbsə alınsa da cəmi 2 dəfə istintaq hərəkəti olub. “İstintaq 2016-cı il mayın əvvəlində sona çatmalıdır. Gözləyirik. Adil Hüseynovun həbsindən 9 ay ötür. Bizə də ümumi şəkildə deyiblər ki, maya qədər məsələ uzanacaq. Ötən 9 ay ərzində cəmi iki dəfə istintaq hərəkəti olub, kiçik ifadə alıblar”.Vəkilə görə, formal sorğu sual olub. “Onlardan yalnız Adil Hüseynov bankın işçisidir? qalanları bankdan kredit götürmüş firmaların “psevdo rəhbərləri”dir. Pulu alanların çoxu isə öz evlərində oturub firavan yaşayırlar”, - vəkil bu məsələdə gerçək səhnənin necə olduğunu anladır. “Əvvəl gündən deyirəm ki, bu adamların əməllərində dələduzluq yoxdur. Olsa-olsa vəzifə səlahiyyətlərini aşmaq, pulun təyinatı üzrə xərclənməməsi halı olar, onu da hələ sübut etmək lazımdır”, - vəkil ittihamlarla maddələrin uyğun gəlmədyini söyləyib. “Tutulanlar sadəcə icraçılardır və direktor vəzifəsinə təyin olunublar, maaşlarını alıb sənədlərə qol çəkiblər. Onlar milyonluq kreditlərin sənədlərini görüblər. Göstərişləri yerinə yetiriblər, manat sahibi belə deyillər”, - vəkil bu şəxslərin həbslərini əsassız sayır.

Cahangir Hacıyevin 51%-i dövlətə məxsus olan Beynəlxalq Banka rəhbərliyi dövründə bankın ümumi kapital həcmi 8 milyard manat olub. Bu pulun 6 milyard manatı bu gün problemli, geri qaytarılması müşkül olan kredit şəklində paylanıb. K.Nəsibovun açıqladığı faktlardan məlum olur ki, kreditlərdən azı 619 milyon manatı C.Hacıyevin özünə çatıb. C.Hacıyev ləğv edilən Milli Təhlükəsizlik Nazirliyinin sabiq rəhbəri Eldar Mahmudovun qudasıdır.

“Mingəçevirdə dövlətin pullarına divan tutulub”, - “Bizim yol” qəzeti təmir, abadlıq i.lərində dəhşətli maxinasiyalara yol verildiyini iddia edir.

Araşdırmaya görə, “təkcə 2014-cü ildə yaşayış binalarının üzlənməsinə Migəcevir Şəhər Hakimiyyəti “Qlobal Konstrakşn” şirkətinə 10 milyon manat ödəyib, üst-üstə. 14 milyon manat havaya socvrulub, sonradan həmin üzlüklər tez alışan olduqları üçün sökülməyə başlandı”, - araşdırmada bu qədər vəsaitin mənasız xərcləndiyi iddia edilir.  

Araşdırmada o da vurğulanır ki, təmirlərdə ən aşağı rəqəm 999 min manat göstərilir. “”İri rəqəmlər abadlıq, yolların və mənzil fondunun əsaslı təmiri zamanı bəzi hallarda işlərin podratçılara artıq vəsait ödənildiyi ilə bağlı Hesablama Palatasının hesabatındakı qeydlərin obyektiv olduğunu təsdiqləyir”, - araşdırmada vurğulanır.  

“Azərbaycan hökuməti bütün bu illərdə neftin varlığının ölkənin qaçılmaz çiçəklənməsinə yol açağı “əfsanə inamı”na söykənərək ölkənin güclü gələcəyi əfsanəsini yaratmaq istəyib”. “Novaya Vremya” qəzeti ölkənin düşdüyü indiki iqtisadi durumun səbəbini burada axtarmağı təklif edir.

“Amma heç 20 il keçmədi bu strategiya yıxıldı və bu zaman məlum oldu ki, biz 95%” ixracdan asılıyıq və heç bir iqtrisadiyyat yaratmamışıq, yalnız neftin hesabına dolanmışıq. Biz həmişə deyirdik ki, yüksək qiymətlər əvvəl-axır başa çatacaq və o zaman ölkə pis durumda qalacaq. Odur ki, vəsaitlərin bir hissəsi elm, texnologiyanın, istehsal sahələrinin inkişafına yönəldilməli idi”, - qəzet bugünkü vəziyyətin səbəblərinə toxunur.