Media-icmal 13.01.21

Ölkənin beynəlxalq iqtisadi uğurları, COVID-19 pandemiyasına qarşı mübarizə, yanvarn 11-də Moskvada keçirilmiş Azərbaycan, Ermənistan və Rusiya üçtərəfli formatda danışıqlara rəylər ölkə mediasının aparıcı mövzuları sırasındadır.

“Azərbaycan” qəzeti “190 ölkə arasında 28-ci” sərlövhəli məqalədə Azərbaycanın iqtisadi uğurlarının beynəlxalq səviyyədə də tanındığını dəyərləndirir.

Müəllif deyir ki, neftdən asılı olan ölkələrin iqtisadiyyatı daim risk altındadır və səbəb də budur ki, bu eneji daşıyıcısının qiymətini bazar yox, dünyanın aparıcı dövlətlərinin maraqları tənzimləyir. 

Müəllif vurğulayır ki, iqtisadi inkişafda özəl sektor mühüm rol oynayır, buna görə Azərbaycanda da dövlət səviyyəsində bu sahəyə hərtərəfli dəstək verilir.

Müəllifin deməsinə görə, bu dəstəyin nəticəsi olaraq pandemiya dövründə Azərbaycanda sahibkarlıq subyektləri minimum səviyyədə ziyan çəkir.

Məqalədə yada salınır ki, hazırda ölkədə sənaye məhsullarının 80 faizi özəl sektorda istehsal olunur.

Müəllifə görə, təkcə belə dəstəklər yetərli olmur, odur ki, ölkədə sahibkarlığın inkişafı üçün fundamental islahatlar həyata keçirilir.

Müəllif əlavə edir ki, sahibkarların hüquqlarını qorumaq üçün yaradılmış hüquqi baza təkmilləşdirilir, özəl sektora güzəştli kreditlərin verilməsi davam edir, görülən işlərin sayəsində dünyanın mühüm beynəlxalq maliyyə qurumları tərəfindən ölkəmizdə bu istiqamətdə həyata keçirilən tədbirlər yüksək qiymətləndirilir.“Dünya Bankının “Doing Business” proqramında 190 ölkə arasında Azərbaycan 28-ci yerdədir.Biznes iqlimi, investisiya iqlimi, aparılan islahatlar Dünya Bankı tərəfindən qeyd edilir. Bundan əlavə, Azərbaycan 10 ən islahatçı ölkə sırasına daxil edilib”, deyə müəllif vurğulayır.

Bununla yanaşı müəllif Davos Dünya İqtisadi Forumunun hesabatlarında da ölkədə qazanılan iqtisadi uğurları yüksək qiymətləndirilir, bır sıra iqtisadi istiqamətlər üzrə  ölkənin dünyada öncül yerlərdə olduğu qeyd edilir.

“Müsavat.com” saytı isə “Peyvəndlənmədən sonra yoluxma qalır, lakin… professordan ilginc açıqlama” sərlövhəli məqalədə məqalədə COVİD-19 pandemiyası əleyhinə peyvəndlənməni şərh edir.

Müəllif deyir ki, son iki həftədə Azərbaycanda gündəlik koronavirusa yoluxma və virusdan dünyasını dəyişmə sayı azalır. 

Müəllif vurğulayır ki, Tibbi Ərazi Bölmələrini İdarəetmə Birliyinin (TƏBİB) mətbuat katibi Elnarə Baxış bu günlərdə mediaya açıqlamasında bildirib ki, Azərbaycanda yaxın günlərdə koronavirus əleyhinə vaksinasiya başladılacaq və bununla bağlı hazırda müəyyən işlər görülür:” Yaxın günlərdə vaksinasiya strategiyası, bütün məqamlar, eləcə də vaksinasiyanın nə zamandan başlanacağı ictimaiyyətə açıqlanacaq”.

Müəllif rəsmi mənbələrə istinadən deyir ki, Azərbaycana 4 milyon doza vaksin gətiriləcək, ilk olaraq vaksinin tibb işçilərinə və risk qrupuna daxil insanlara vurulması gözlənilir, Azərbaycanda da vaksinasiya pulsuz və könüllü olacaq.

Tibb elmləri doktoru, professor Adil Qeybulla isə hesab edir ki, bu məsələ tamamilə dövlətin nəzarəti altında olmalıdır: “Yaxşı olardı ki, vaksinlərin ölkəyə idxalı dövlət səviyyəsində olsun. Çünki ortada birbaşa məsuliyyət məsələsi var.

Həmin vaksinlərin gətirilmə, saxlanılma qaydaları, bütövlükdə dövriyyə sisteminə dəqiq nəzarət olunmalıdır. Bütün dünya ölkələrində də bu məsələyə dövlət nəzarət edir”.

A.Qeybulla əlavə edir ki, immunitet peyvənd olunandan təxminən 40 gün sonra formalaşmağa başlayır: “Tam immunitet formalaşdıqdan sonra təkrar yoluxma mümkün deyil. Sadəcə olaraq, peyvənd vurulduqdan sonra yoluxma riski immunitet formalaşana qədər qalır.

Deputat Rəşad Mahmudov hesab edir ki, bütün infeksiya və epidemiyalarda olduğu kimi burada da çıxış yolu kütləvi peyvəndləmədən keçir, “qızıl açar” funksiyasıını oynayır.

“Bizimyol.info” saytı isə “Kremldə Qarabağ zirvəsi: “Moskva görüşünün keçirilməsində hər bir tərəfin marağı vardı” sərlövhəli məqalədə yanvaırn 11-də Moskvada üçtərəfli Azərbaycan, Ermənistan və Rusiya liderləri arasındakı görüşü dəyərləndirir.

Məüllif deyir ki, Moskvada Azərbaycan, Ermənistan və Rusiya liderləri arasında razılaşma imzalanıb.O hesab edir ki, bununla belə məsləyə münasibtdə fərlqi baxışlar qalır. “Üçtərəfli görüşün yekunlarına dair mətbuat konfransında Azərbaycan və Rusiya münaqişənin bitdiyini desə də Ermənistan münaqişənin tam həll olunmadığını bildirib”, deyə bildirir.

Müəllif əlavə edir ki,  Qarabağla bağlı Moskva görüşünün keçirilməsində hər bir tərəfin marağı vardı: “Rusiya Qarabağda sülhməramlıların artırılmasını hədəfləyirdi. Azərbaycan tərəfi buna qəti şəkildə öz mövqeyini bildirdi. Azərbaycan tərəfinin mövqeyi haqlı mövqedir” deyə deputat Ceyhun Məmmədov bildirib.

Deputat hesab edir ki, Azərbaycan heç vaxt sülhməramlı kontingentinin artırılmasına razı ola bilməz, məsələ 10 noyabrda imzalanan razılaşmaya əsasən tənzimlənir.

Deputat diqqəti belə bir məqama çəkir ki, Ermənistan Dağlıq Qarabağın statusunun həll olynmadığını deyir, Azərbaycan isə münaqişənin bitdiyini, status məsələsinin gündəmdə olmadığını bidirir.

“Modern.az”  saytı isə Moskva görüşü Azərbaycana nə vəd edir? - deputatların mövqeyi” sərlövhəli məqalədə yanvarın 11-də Moskvada Rusiya, Azərbaycan və Ermənistan liderlərinin üçtərəfli görüşünün nəticələrinə dair deputatların mövqelərinə yer verir.

Görüş zamanı hər 3 ölkənin dövlət başçlarının imzaladıqları bəyanat əsasında komunikasiyaların açılması, nəqliyyat əlaqələrinin bərpası üçün işçi qrupun yaradılması dəstəklənib. Moskva görüşü beynəlxalq və yerli mediaya qapalı keçirilsə də, bəzi məqamların görüşdə müzakirə mövzusu olmadığı aydınlaşıb.

Deputat Rasim Musabəyova görə, Rusiya sülhməramlılarının Qarabağdakı fəaliyyəti ilə bağlı Azərbaycanın bəzi iradları var: “İkitərəfli formada Rusiya və Azərbaycan arasında bəzi məsələlər açıq qalır. Sülhməramlıların Qarabağdakı fəaliyyəti ilə bağlı bizim bəzi iradlarımız var. Həmin məsələlər Ermənistan baş nazirinin iştirakı olmadan müzakirə edilməlidir”.

Deputat hesab edir ki, Azərbaycan prezidenti ölkə üçün vacib olan məsələləri Putinlə müzakirə edib.

Deputat Asim Mollazadə isə deyir ki, dünənki görüş zamanı Azərbaycanı əsas maraqlandıran kommunikasiya məsələsi, Naxçıvana dəhlizin açılması idi. Onun fikrincə, 11 yanvar görüşündə Azərbaycan istədiklərinə nail oldu, Ermənistan isə bu reallıqlarla hesablaşmalıdır.

“Yenisabah.az” saytı isə “Ermənistan revanşizmi unudub əməkdaşlıq prosesinə qoşulmasa... – politoloq” sərlövhəli məqalədə Ermənistandakı revanşizm düşüncələrinin bölgədə nələrə səbəb ola biləcəyini dəyərlədirir.

Politoloq Şəbnəm Həsənova bu ölkədə revanşizm cəhdləri üstünlük qazandığı hada yenə də bölgədəki proseslərdən kənarda qalacağını vurğulayır.

Onun fikrincə, bunun əksi olarsa bölgədə reallaşdırılan layihələrə cəlb edilməsi mümkün ola bilər.

Politoloq Ermənistanın baş naziri Paşinyanın status, münaqişənin hələ bitməməsi barədə iddialarını Ermənistan daxili auditoriyaya hesablanmış fikirlər kimi dəyərləndirir.

Ş.Həsənova görə, indi Ermənistandakı mövcud gərgin vəziyyətdə status və münaqişənin bitməməsi kimi düşüncələr onu radikal mövqedə dayananlara istiqamətləndirir.