Media-icmal 29.10.20

“Azərbaycan” qəzeti “Heç bir qüvvə Azərbaycanın iradəsinə təsir edə bilməz” sərlövhəli məqalədə sentyabrın 27-dən başlanmış hərbi əməliyyatların gedişini dəyərləndirir. 

Müəllif deyir ki, Azərbaycan erməni tərəflə 30 il danışıqlar aparsa da bunun nəticəsi olmadı, odur ki, torpaqların hərb yolu ilə azad olunması mərhələsi başlandı.            

Müəllifə görə, 30 gündür ki, davam edən mharibə Azərbaycan ordusunun gücünü təsdiq etdi, erməni tərəfin 30 il qurduğu, gücləndirdiyi istehkamlar, müdafiə sədləri darmadağın edildi.

Müəllif əlavə edir ki, 30 gün ərzində Füzuli, Zəngilan, Cəbrayıl, Qubadlı, Xocavənd və Tərtər rayonlarında uğurlu əməliyyatlara imza atdı. Füzulidən Zəngilana qədər 132 km.-lik dövlət sərhəddinə nəzarət bərpa olundu,100-dən çox yaşayış məntəqəsi - şəhərlər, kəndlər işğalçılardan azad edildi.

Müəllif deyir kii, eyni zamanda hərbi əməliyyatalara görə Azərbaycana beynəlxalq təzyiqlər də var, amma ölkə buna da müqavimət göstərə bilir.

Müəllif yada salır ki, erməni tərəf əvvəlcə münaqişənin diplomatik həlli yolu olmadığını deyirdi, indi hərbi yolla torpaqlar azad edilərkən havadarları məsələnin hərbi yolu olmadığını haray çəkirlər.

“Bundan sonra da biz haqq yolumuzdan dönməyəcəyik! Heç bir qüvvə bizim iradəmizə təsir edə bilməz. Düşməni sona qədər qovacağıq, ərazi bütövlüyümüzü bərpa edəcəyik!”, - müəllif dövlət başçısı İlham Əliyevdən sitat gətirir.

“Yenisabah.az” saytı “Müharibə Ermənistan iqtisadiyyatını darmadağın edib - “Yalvarırlar...” sərlövhəli məqalədə bir aydır davam edən mühribənin Ermənistan iqtisadiyyatına təsiri dəyərləndirilir.

Müəllif deyir ki, bir aydır ki, davam edən müharibə müddətində Azərbaycan ordusu 4 şəhəri, 3 qəsəbəni və 162 kənd işğaldan azad edib, düşmənin canlı qüvvəsi ilə yanaşı təxminən 2.5 milyard dollar dəyərində hərbi texnikası məhv edilib.

Belə şəraitdə Ermənisatnın uzunmüddətli müharibəyə davam gətirib-gətirə bilməməsilə bağlı deputat Vüqar Bayramov deyir ki, savaş başladıqdan bu yana bu ölkənin xarici borcunun arması müşahidə edilir.  

V.Bayramov deyir ki, svaş Ermənistanın iqtisadiyyatına ciddi təsir göstərdi, elə savaşın ilk həftələrində “Fitch” Beynəlxalq Kredit Agentliyi tərəfindən Ermənistanın kredit reytinqi aşağı salındı.

Hazırda Ermənistanın xarici borcu 8 milyard dollardan çoxdur, bu da Ermnistan ÜDM-in 70%-i deməkdir.

Deputat V.Bayramov deyir ki, Ermənistanda hər üç nəfərdən biri yoxsuldur,  hər 4 nəfərdən biri işsizdir. 

V.Bayramov deyir ki, Ermənistan iqtisadiyyatı uzunmüddətli müharibə aparmaq inkişafına qadir deyil, xarici borc artacaq.

Onun fikrincə, elə buna görə də Ermənistan hakimiyəti narahatlıq keçirir, bu da iqtisadi səbəblərlə bağlıdır.

“Redaktor.az”  saytı “Ordumuz Laçına doğru irəliləyir, an məsələsidir...” – hərbi ekspert” sərlövhəli məqalədə hərbi əməliyyatlarla bağlı vəziyyəti qiymətləndirir. Müəllifə görə, “Qubadlı şəhəri azad olunduqdan sonra Azərbaycan ordusunun Laçın ərazisinə daxil olmağı gözlənilən idi. “Hazırda Laçın rayonu ərazisində demək olar ki, bir çox kəndlər işğaldan azad edilib və ordumuz daha dərinliyə doğru irəliləyir”, -ekspert Əbuzər Əbilov duruma münasibət ifadə edir..

Ə.Əbilova görə, Laçın dəhlizinin işğaldan azad olması Ermənistanla Dağlıq Qarabağ ərazisini birləşdirən üçüncü yolun bağlanması deməkdir:

“Azərbaycan ordusunun keçirdiyi uğurlu hərbi əməliyyatlar nəticəsində ilk olaraq Zəngilan rayonunun Mincivan qəsəbəsi ərazisindən Ermənistana gedən yolu bağlandı. Murov yüksəkliyini azad edilməsi ilə Ermənistandan Kəlbəcərə gedən yol da nəzarətə götürülüb. Laçın dəhlizi də azad olunandan sonra Ermənistan tərəfi məğlubiyyətdən qaça bilməyəcək”.

Ekspertə görə, artıq Xocavənd ətrafında döyüşlər gedir , bu şəhərin və ətraf kəndlərin götürlməsi an məsələsidir, ermənilər bu istiqamətdə müqavimət göstərə bilmir. “Bir sözlə, ordumuz aypara şəkilində düşməni müharisəyə alıb, onu məğlub edib, müharibəyə son qoyacaq”, - ekspert bildirir.

“Mətbuat.az”  saytı “İran sərhəddə təlimlərə niyə indi başlayır? – şərh” sərlövhəli məqalədə  politoloq Turab Rzayev İranın Azərbaycan sərhədləri yaxınlığında təlimlərə başlamasının səbəblərini araşdırır.

“İran kimlə təhlükəsizliyini təmin etmək istəyir? Azərbaycan Ermənistana hücum edəcək, ya Ermənistan Azərbaycana? Bəlkə, düşünürlər ki, Azərbaycan Zəngilan vasitəsilə İrana, yaxud Zəngəzurdan Ermənistana daxil olacaq? Bizim belə niyyətimiz də yoxdur”, - T. Rzayev bildirib.

Politoloqa görə, İranın hərbi təlim keçirmək təşəbbüsündə xoş niyyət yoxdur. “Əgər məsələ İran ərazisinə düşə bilən 5-6 artilleriya mərmisidirsə, onda ordu nə edəcək onun qarşısında? Biz məhz bu məqsədlə ilk növbədə Arazboyu ərazini azad etdik ki, İrana hansısa bəhanə qalmasın. Ağbəndin ordumuzun nəzarətinə keçməsi ilə bəhanələrə qon qoyuldu. Elə isə qoşunların sərhəd bölgəsinə yerləşdirilməsi nəyə hesablanıb?”, - politoloq bu təlimlərdə müəmmaların olduğuna işarə edir.

Politoloq hesab edir ki, Ermənistan və İran Rusiyanı müharibəyə cəlb etməyə çalışırlar, yeganə ümidləri Kremldir, İran təkbətək Azərbaycanla bacarmaz.