“Azadlıq” qəzeti ölkə həyatının bütün sahələri üzrə duruma dair yazılar və şərhlər dərc edib. Qəzet oxucuların nəzərinə ölkədən kapital axınının güclənməsini xüsusi olaraq çatdırır.
Keçmiş xarici işlər naziri və səfir Tofiq Zülfüqarov son vaxtlar bəzi diplomatların tənqidi mövqelərinə görə statuslarından məhrum olunmalarını Azərbaycan XİN-dəki problemlərlə izah edib və XİN haqqında çox danışılıb, yazıların yazılmasını strukturda böhranın yetişməsi kimi dəyərləndirib.
Milli Şuranın sədri, tarixçi-professor Cəmil Həsənli 2015-ci ildə neftin 3 dəfə dəyərdən düşməsini, manatın iki dəfə devalvasiyaya uğramasını “10 ay ərzində ölkənin fəlakətli yoxsulluq girdabına düşməsi” kimi dəyərləndirir və buna görə əsas səbəb kimi hökumətin yarıtmaz siyasətini göstərir.
Devalvasiyadan sonra ölkənin xarici borclanmaya getməsini təhlükəli sayan ekspertlər bu halda Azərbaycanın Yunanıstanın gününə düşə biləcəyi barədə xəbərdarlıq edirlər.
ABŞ-dakı azərbaycanlı diasporu rəsmi Bakı təmsilçilərinə və yaxınlarına viza qadağası və sanksiyanı nəzərdə tutan konqresmen Kris Smitin “Azərbaycan Demokratiya Aktı”nı dəstəkləmək üçün İnternet üzərindən kampaniyaya başlayıblar.
“Yeni Müsavat” qəzeti
“Yeni Müsavat” qəzeti hökumətin iriçaplı ixtisarlara başlamasını “antiböhran proqramı”na keçməsi kimi nəzərə çatdıran məqalə dərc edib. Qəzet ştat ixtisarları və xərclərin azaldılmasının sadə vətəndaşlarla yanaşı hökumət idarələrini, nazirlik və dövlət komitələrini əhatə etdiyini bildirir. Bu ixtisarların sosial gərginliyə səbəb olacağı barədə xəbərdarlıq da edilir.
2016-cı ilin birinci yarısında devalvasiyanın olmayacağını deyən ekspertlər amma bunun heç də maliyyə bazarının sabitləşəcəyi anlamına gəlmədiyini bəyan edirlər.
Əlahiddə Ümumqoşun komandanı Kərəm Mustafayevin “kassiri”nin həbs olunmasını, yaxın adamının işdən çıxarılmasını yazan qəzet bunu “Kərəm Mustafayevin ətrafında gizli həbs dalğası” kimi dəyərləndirir.
Neft üzrə ekspertlər bu il neft hasilatında Azərbaycanın enmə ilə üzləşəcəyi, ötən il ilə müqayisədə 1,1 milyon tondan çox azalmanın baş verəcəyini bəyan edirlər.
Bəzi valyutadəyişmə məntəqələrində dolların 1.72-dən 1.65-ə enməsini qəzet “Bakıda valyuta ajiotajı”nın səngiməsi kimi dəyərləndirir.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz