Bakı/10.10.19/Turan: Oktyabrın 10-da Lənkəran Ağır Cinayətlər Məhkəməsi İrandan 500 kq 635 qram heroin gətirməkdə ittiham olunan vətəndaş Nəsrulla Abbasova bəraət verib.
İttiham materiallarına əsasən, Abbasov böyük narkotik partiyasının daşınması məqsədilə cinayət sövdələşməsinə girib.
Vəkil Anar Qasımlının sözlərinə görə, məhkəmə Abbasovun cinayət əməlini sübuta yetirməyib və o, məhkəmə zalından azadlığa buraxılıb.
Xatırladaq ki, böyük heroin partiyasının nəqlinin qarşısının alınması faktı 2018-ci il mayın 24-də Dövlət Gömrük Komitəsi tərəfindən açıqlanıb. Həmin məlumatda odadavamlı briketlərdə 1 kq-lıq qablaşdırmalarda 515 kq heroin aşkar edildiyi bildirilirdi.
Narkotik İrandan Azərbaycana gələn yük maşınında daşınırdı. Narkotiki xüsusi təlim keçmiş it aşkar edib. İçərisində heroin olan briketlər qablaşdırılaraq, 4 altlığa yığılmışdı. -21B-
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz