Əfqan Sadıqov. Açiq mənbələrdən foto.
Bakı/25.12.20/Turan: Dekabrın 25-də Sumqayıt Apellyasiya Məhkəməsində Azel.TV saytının təsisçisi Əfqan Sadıqovun işi üzrə hazırlıq iclası keçirilib. Bu barədə onun həyat yoldaşı Sevinc Sadıqova bildirib.
Sadıqovanın sözlərinə görə, hakim Nazim Mövsümov müdafiə tərəfin vəsatətlərini, o cümlədən Sadıqovun ev dustaqlığına keçirilməsi haqqında vəsatətini təmin etməyib.
Şikayətə mahiyyəti üzrə baxılması yanvarın 21-nə təyin edilib.
"Bu qərarla hakim faktiki olaraq Əfqan Sadıqovu ölümə məhkum edib. Adam artıq 55 gündür ki, ədalətsiz azadlıqdan məhrumetmə hökmünün ləğv edilməsi tələbi ilə aclıq edir. Apellyasiya Məhkəməsi ən azından qətimkan tədbirini dəyişdirə bilərdi. Əfqan tələblərindən dönmür və onun yanvarın 21-nə kimi sağ qalması özü sual altındadır”, deyə S.Sadıqova bildirib.
* AzelTV-nin rəhbəri Əfqan Sadıqov bu ilin mayında hədələmə yolu ilə pul tələb etmə ittihamı ilə həbs edilib. Noyabrın 3-də məhkəmə onu yeddi il azadlıqdan məhrumetmə cəzasına məhkum edib. Noyabrın 4-dən etibarən o, ədalətsiz hesab etdiyi hökmə etiraz əlaməti olaraq aclıq elan edib. -0-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz