Fuad Qəhrəmanlı. Açiq mənbələrdən foto.
Bakı/18.09.20/Turan: Cümə axşamı Nəsimi rayon məhkəməsində hakim Ceyhun Tağıyevin sədrliyi ilə Xalq Cəbhəsi Partiyasının Rəyasət Heyətinin üzvü Fuad Qəhrəmanlının ev dustaqlığına buraxılması haqqında vəsatətə baxılıb. Onu dövlətin təyin etdiyi vəkil Araz Həsənov müdafiə edirdi.
Məhkəmə vəsatəti təmin etməyib, müdafiə tərəfi apellyasiya şikayəti verəcək. Qəhrəmanlı özü prosesdə iştirak edib. Vəkilin iddiasına görə, Qəhrəmanlının səhhətində heç bir problem yoxdur. Vəkil Qəhrəmanlının məhkəmədəki çıxışının təfsilatını açıqlamayıb.
“Fuad Qəhrəmanlı bu gün məhkəmədə çıxış edib və bizim fikirlərimiz bir-birinə uyğundur. Məhkəmə qərarından apellyasiya veriləcək”, deyə vəkil bildirib.
Vəkil Qəhrəmanlının qohumlarının onun telefon danışığı hüququnun pozulması haqqında bəyanatları ilə bağlı şərh verməyib, məhkəmədə bu məsələnin müzakirə olunmadığını qeyd edib.
Öz növbəsində, Qəhrəmanlının ailəsinin cəlb etdiyi vəkil Fəxrəddin Mehdiyev Baş Prokurorluğa müvəkkilinin yanına buraxılmaması ilə bağlı şikayət yazıb.
* Xatırladaq ki, hakimiyyət Qəhrəmanlını və onlarla digər AXCP fəalını iyulun 14-də və 15-də nümayiş təşkil etməkdə və iğtişaşlarda ittiham edib. 17 nəfərə qarşı iğtişaşların təşkili, hakimiyyəti ələ keçirməyə cəhd, polisə müqavimət və s. ittihamlarla cinayət işləri açılıb. 15 nəfər isə inzibati qaydada həbs olunub. -06B-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz