![jurnalist İkram Rəhimov](https://turan.az/resized/media/2018/main/110100014441-750-500-resize.webp)
jurnalist İkram Rəhimov
Məhkəmə jurnalisti həbsdə saxlayıb
Bakı/01.11.18/Turan: Noyabrın 1-də Bakı Apellyasiya Məhkəməsində hakim Həsən Əhmədovun sədrliyi ilə keçirilən prosesdə Dövlət Təhlükəsizlik Xidməti tərəfindən saxlanılan jurnalist İkram Rəhimovun barəsində 2 aylıq həbs qətimkan tədbirinin seçilməsi barədə Səbayel Rayon Məhkəməsinin qərarını qüvvədə saxlayıb.
İkram Rəhimov məhkəmədə çıxış edərək bildirib ki, heç bir cinayət törtəməyib, barəsində seçilmiş 2 aylıq həbs qətimkan tədbiri qanunsuz olduğu üşün dəyişdirilməlidir.
İ.Rəhimov həmçinin bütün ittihamları rədd edib, onu Azərbaycan prezidentinin köməkçisi Əli Həsənovun və Mətbuat Şurasının tutdurduğunu deyib.
"Məni həbs edəndə ilk sualları Əli Həsənov və Mətbuat Şurası haqqında yazılarım barədə olub. Ə.Həsənova yazdığım açıq məktubu özümün yazıb-yazmadığımı soruşdular", -o qeyd edib.
Məhkəmə heyəti jurnalistdən tələb edib ki, mahiyyət üzrə danışsın. Yekunda jurnalistin barəsində 2 aylıq həbs qətimkan tədbirinin seçşilməsi barədə qərar qüvvədə saxlanılıb.
Reallıq.info saytının rəhbəri İkram Rəhimov oktyabrın 26-da Dövlət Təhlükəsizlik Xidməti tərəfindən tutulub. O tutulmamışdan əvvəl Prezident Administrasiyasının yüksək vəzifəli şəxsini tənqid etdiyinə görə izlənildiyini və təqib edildiyini bildirib.
Dövlət Təhlükəsizlik Xidmətinin ictimai əlaqələr şöbəsinin məlumatında deyilir ki, İkram Rəhimov tabeçiliyində olan şəxslərlə birlikdə "Realliq.info" və digər "reket" informasiya saytları yaradıb, həmin İnternet qəzetlərin jurnalistləri adı ilə ayrı-ayrı vətəndaşların barəsində rüsvayedici və böhtan xarakterli məlumatların mətbu orqanlarında müntəzəm yayıb dayandırılması müqabilində pul tələb etməsi və alması, bu üsulla müxtəlif idarə və təşkilatlarda çalışan şəxslərdən, sahibkarlardan dövri haqq toplaması barədə daxil olmuş çoxsaylı şikayətlər araşdırılıb.
"Məhkəmə qərarı əsasında aparılmış əməliyyat tədbirləri ilə İkram Rəhimovun əlaqədə olduğu şəxslərlə birgə törətdiyi həmin silsilə cinayət əməlləri müfəssəl qeydə alınıb. İkram Rəhimov 2018-ci il oktyabrın 26-da Azərbaycan Cinayət Məcəlləsinin 182.2.1-ci və 182.2.2-ci maddələri üzrə (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) cinayət əməllərində şübhəli şəxs kimi saxlanılaraq, cinayət məsuliyyətinə cəlb edilib", -məlumatda qeyd edilir.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz