Мехман Гусейнов
Bakı/14.08.18/Turan: 2 il müddətinə azadlıqdan məhrum edilmiş bloger Mehman Hüseynov cəzasının yarısını çəkməsi ilə əlaqədar vaxtından əvvəl şərti azadlığa buraxılması barədə ərizə ilə məhkəməyə müraciət edib. Bu barədə Turan-a onun vəkili Şəhla Hümbətova bildirib.
Onun sözlərinə görə, ərizə keçən cümə günü Qaradağ rayon məhkəməsinə təqdim edilib və on gün ərzində baxılmalıdır.
Bloger və Reportyorların Azadlıq və Təhlükəsizlik İnstitutunun sədri Mehman Hüseynov 2017-ci ilin martında Bakının Nəsimi Rayon Polis İdarəsinin rəisi Musa Musayevin ittihamı ilə böhtan ittihamı ilə 2 il müddətinə azadlıqdan məhrum edilib.
İddia verilməsi üçün Hüseynovun ötən ilin yanvarında sözügedən idarədə ona qarşı işgəncə haqqında bəyanatları bəhanə olub.
Amma hüquq müdafiəçiləri Hüseynovun təqibinin əsl səbəbinin Azərbaycan hökumət və parlament üzvlərinin villaları haqqında videoreportajları olduğu qənaətindədirlər.
Amnesty İnternational beynəlxalq təşkilatı Hüseynovun "vicdan məhbusu" kimi tanıyıb. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz