![AXCP fəalı Orxan Baxışlının işi üzrə məhkəmə başlayıb](https://turan.az/resized/./turan-750-500-resize.webp)
AXCP fəalı Orxan Baxışlının işi üzrə məhkəmə başlayıb
Bakı/14.08.18/Turan: Bu gün Bakı Ağır Cinayətlər Məhkəməsində Xalq Cəbhəsi Partiyasının gənc fəalı Orxan Baxışlının işi üzrə hazırlıq iclası keçirilib. İşə hakim Mahmud Ağalarovun sədrlik etdiyi hakim heyəti baxır.
İclas faktiki olaraq yarım qapalı keçirilib. Onlarla insan məhkəmə binasının qarşısına gəlsə də, heç kim, o cümlədən fəalın valideynləri zala buraxılmayıb.
Müdafiə tərəfin nümayəndələrindən Turan-a daxil olan məlumata görə, iclasda vəkil Elçin Sadıqov cinayət işinə xitam verilməsi və qətimkan tədbirinin dəyişdirilməsi haqqında vəsatət qaldırıb.
Vəkil həmçinin bildirib ki, işə cəlb edilmiş hal şahidlərinin özlərinin narkotik cinayətləri üzrə məhkumluqları var. Onlar başqa cinayət işləri üzrə də hal şahidi kimi keçiblər.
Amma məhkəmə vəsatətləri təmin etməyib.
Mahiyyəti üzrə məhkəmə dinləmələri avqustun 24-nə təyin edilib.
Baxışlı mayın 6-da saxlanılıb. İstintaqın iddiasına görə, onun üzərimdə 6 qr heroin tapılıb. Fəal ittihamları təkzib edib və bildirib ki, narkotiki onun üzərimə polis əməkdaşları özləri atıblar. AXCP-də hesab edirlər ki, Baxışlı siyasi motivlərlə təqib olunur.
Həbsindən üç gün əvvəl - mayın 3-də jurnalist Elmar Hüseynovun qəbri başında Ümumdünya Mətbuat Günü ilə bağlı tədbirdə Baxışlı onun ölümündə ölkə hakimiyyətini ittiham edib. -06D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz