Məkkədə ölən zəvvarlar arasında Azərbaycan vətəndaşı yoxdur
Məkkəyə Həcc ziyarətinin başlandığı vaxtdan (7 iyun) bir neçə yüz zəvvar istidən və xəstəlikdən ölüb, Səudiyyə Ərəbistanı hakimiyyəti bildirib. Dəqiq rəqəm məlum deyil, müxtəlif KİV-ə görə, ölənlərin sayı 550 ilə 900 arasındadır. Ölənlərin əksəriyyəti Misir və İordaniya vətəndaşlarıdır.
Qafqaz Müsəlmanları İdarəsindən Turan-a bildiriblər ki, ölənlərin arasında Azərbaycan vətəndaşı yoxdur.
Qeyd edək ki, Həcc günlərində Məkkədə havanın temperaturu 51 dərəcəni ötüb.
Bu il dünyanın hər yerindən zəvvarların ümumi sayı 2 milyon nəfərdən çoxdur.
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz