Açiq mənbələrdən foto.
Bakı/20.10.21/Turan: Sentyabrın 29-dan bu günə qədər Azərbaycanda 344 sinif və 9 orta məktəb koronavirusa görə distant təhsilə keçib.
Həmçinin Azərbaycan Dövlət Neft və Sənaye Universitetində, Tibb Universitetində, Bakı Dövlət Universitetində və Azərbaycan Texniki Universitetində bir neçə qrup distant tədris formasına keçib.
Bəzi valideynlərin iddiasına görə, məktəblərə və universitetlərə qrip əlamətləri ilə gələn uşaqlar analiz vermirlər və dərslərə gəlməyə davam edirlər.
Ekspertlərin fikrincə, orta və ali məktəblərdə koronavirusa yoluxmuş şəxslərin sayının artması istisna edilmir.
Belə olan halda Azərbaycanda təhsil müəssisələrinin yenidən distant tədris formasına keçməsi zəruridirmi?
Təhsil Nazirliyindən Turan-a bildirilib ki, hazırda distant formasına keçməyə zərurət yoxdur. Yoluxma sayı o qədər yüksək deyil ki, təhsil müəssisələri tədris formasına keçsin. Əgər məsələ bağlı hər hansı qərar qəbul edilərsə, bu barədə məlumat veriləcək.
Qurumdan qeyd olunub ki, təhsil müəssisələrində şagirdlərin, tələbələrin və müəllimlərin hər gün hərarəti ölçülür və digər zəruri tədbirlər həyata keçirilir.
Təhsil məsələləri üzrə ekspert Kamran Əsədov də “Azadlıq” radiosuna bildirib ki, yoluxan şagird və müəllimlərin sayı çox azdır: «Rəqəmlər çox kiçikdir. Cəmi 344 sinif və 9 məktəb distant tədris formasına keçib. Hazırda ölkədə 4435 orta məktəb və 85 620-dən çox sinif var. Yəni, 85 mindən çox sinifin 344-nün distant tədrisə keçməsi böyük rəqəm deyil.
Onun sözlərinə görə, Azərbaycanda 1,6 milyon şagird var və onların cəmi 400-də yaxında koronavirus əlamətləri müşahidə edilib: «Pandemiyanın olmadığı 2019-cu ilin payız mövsümündə 33 mindən çox uşaq qrip və digər bu tipli mövsümü xəstəliklərə yoluxmuşdu.
Ekspert qeyd edib ki, məktəblərdə hərarət ölçmə, spirtdən istifadə etmə kimi tədbirlər ciddi şəkildə həyata keçirilir: «Biz özümüz hər gün Bakının ən azı 20 məktəbində monitorinq aparırıq. Ara məsafənin gözlənilməsindən tutmuş izolyasiya otağına qədər bütün qaydalara ciddi riayət olunur. Lakin ali məktəblərdə bu problem var. Orada həmin tələblərə o qədər də ciddi riayət edilmir».—0—
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz