İyunun 22-də məşhur vəkil İsaxan Aşurov vəfat edib. O, ankoloji xəstəlikdən əziyyət çəkirdi və ABŞ-da müalicə aldığı klinikalardan birində dünyasını dəyişib.
Mərhumun oğlu Kənanın Turan-a verdiyi məlumata görə, İsaxan Aşurovun cəsədi bazar ertəsi Vətənə gətiriləcək. “Atam onu Gürcüstanın Bolnisi rayonunun doğma Fəxralı kəndində dəfn etməyi vəsiyyət etmişdi”, deyə Kənan bildirib.
57 yaşlı Aşurov ölkədə siyasi fəalları və jurnalistləri müdafiə edən ən məşhur və fəal vəkillərdən biri idi.
Aşurov vəkilliyə bir neçə il saxta ittihamla həbsxanada yatdıqdan sonra, 90-cı illərdə gəlmişdi.
1993-cü illərdə qiyamçı Sürət Hüseynovun dəstələri Qazax rayonunu ələ keçirməyə çalışdığı zaman o, polis polkovniki və rayon polis idarəsinin rəisi idi. Bununla belə, hakimiyyət onu vəzifə səlahiyyətlərini aşmaqda ittiham etdi və həbsə atdı.
Qarabağ münaqişəsi başladıqdan sonra İsaxan ölkənin və onun vətəndaşlarının müdafiəsinə ilk qalxan insanlardan biri oldu.
Aşurov mövqeyinə və xasiyyətinə görə böyük nüfuz və hörmət sahibi idi. O, öz intellekti və geniş dünyagörüşü ilə həmişə polislər arasında seçilirdi.
Allah rəhmət eləsin!
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz