Mətbuat-Monitorinq 04.04.14

Rəsmi qəzetlər dövlət başçısı İlham Əliyevin qəbulları haqda xəbərləri, bəzi qanunlara dəyişikliklərin mətnlərini, 2015-ci ildə Bakıda keçiriləcək Avropa Olimpiya Oyunları Əlaqələndirmə Komitəsinin iclası haqda yazıları ilk səhifələrə çıxarıblar.

“Azadlıq” qəzeti “nurçu”luq təriqətinə bağlılığa görə PA-dakı vəzifəsindən azad edilən Elnur Aslanovun Rabitə Naziriılyində vəzifə almasının iqtidar daxilində “nurçu savaşı”nı qızışdımasını ilk səhifəyə çıxarıb. Türkiyənin Azərbaycandakı keçmiş diplomatı Turqut Ər “nurçuluğu “Azərbaycan iqtidarının problemi” adlandırıb.

Sosial şəbəkələrdə rəsmi Bakını ciddi tənqidlərə məruz qoyan 20 yaşlı Elsevər Mürsəlli Bakı Ağır Cinayətlər Məhkəməsinin qərarı ilə 5 il müddətinə azadlıqdan  məhrum edilib.

“NİDA” Gənclər Hərəkatının mühakimə edilən üzvləri quruma qarşı cinayət işini növbəti dəfə “siyasi sifarişin nəticəsi” adlandırıblar.

Fövqəladə Hallar Nazirliyinin razı olub-olmamasına baxmadan hündürmərtəbəli binalara qaz verilməsi haqda ARDNŞ prezidenti Rövnəq Abdullayevin mövqeyi iki qurum arasında ciddi gərginlik yaradıb.

Gürcüstan mətbuatı Rusiya sərhədçilərinin Bakı-Tbilisi-Ceyhan neft kəmərinin keçdiyi ərazilərin yaxınlığında banner qurmasını yazaraq bunu “kəmərə təhlükə” adlandırır.

“Zerkalo” “Rusiyanın rəyi olmasa Qarabağ məsələsinin ən məqbul variantında həllindən belə erməni tərəfi imtina edəcək” deyə qəzet Qarabağ məsələsinin həllində Ermənistanın söz sahibi olmamasını nəzərə çatdırır.

“Ekspress”  QMİ sədri, seyxülislam Allahşükür Paşazadənin “ölkənin şimal və cənub bölgəsində dövlətə mınəvi təcavüz imkanları yaranması” haqda mövqeyini manjetə çıxarıb.

“Exo”  ekspertlərə istinadən Azərbaycanda islam bankçılığının inkişaf etməməsinə maneələrin qanunvericilikdə, bank sistemində və kadrların olmasında  olduğunu bildirir.

“Bizim yol”  RF-nin İranla quru yollar axtarmasını “Amerika kəşfiyyatının Rusiyanin Qafqaz planları”nı açıqlaması kimi dəyərləndirir.

Qəzet Azərbaycanın  enerjini öz əhalisinə ən baha satan ölkə olduğunu nəzərə çatdırır.

Hüquq müdafiəçiləri siyasi motivlə həbs olunan şəxslərin istintaqda işgəncələrə məhkəmələrdə məruz qalmaları haqda dediklərinə hakimlərin əhəmiyyət vermədiklərini bəyan ediblər.        

“Yeni Müsavat”  Türkiyə baş naziri Ərdoğanın bu günə gözlənilən Bakı səfərinə “nurçu”larla bağlı yeni dosye ilə gəlməsi” mövqeyini önə çəkir.

Nəqliyyat naziri Ziya Məmmədova və biznes ortağı Hafiz Məmmədova bağlı “Baghlan Group”un iflas həddinə çatdığını yazan qəzet şirkətin banklara külli miqdarda borcu olduğunu bildirir.

Balakən rayon İtitala kənd sahə müvəkkili  polis kapitanı Vüqar Filiyev “bandotdel” tərəfindən saxlanılıb, polis zabitinin nədə ittiham oldunduğu açıqlanmır.