Facebook fəalı 5 il müddətinə mühakimə olunub
Mahmud Ağalarovun sədrliyi ilə Bakı Ağır Cinayətlər Məhkəməsində sosial şəbəkənin fəal istifadəçisi, 20 yaşlı Elsevər Mürsəllinin məhkəmə prosesi başa çatıb.
Məhkəmə onu CM-in 234.4.3-cü maddəsi (iri məbləğdə qanunsuz narkorik maddə alveri) ilə təqsirli bilərək 5 il müddətinə azadlıqdan məhrum edib. Gənc bu ittihamı rədd edərək ona qarşı cinayət işini siyasi sifariş adlandırır.
E.Mürsəlli Facebook sosial şəbəkəsində Azərbaycan hakimiyyətini tənqid edib.
Bundan əlavə, 9 oktyabr prezident seçkilərində Demokratik Qüvvələrin Milli Şurasının prezidentliyə namizədi Cəmil Həsənlinin seçki kampaniyasında iştirak edib, ölkənin şimal regionunda onun təşviqat materiallarını yayıb.
E.Mürsəlli 2013-cü il oktyabrın 3-də Xaçmazda həbs olunaraq Bakıya DİN Baş Mütəşəkkil Cinayətkarlığa Qarşı Mübarizə İdarəsinə aparılıb.
Kürdəxanı təcridxanasında Mürsəlli oradakı NİDA fəalları ilə baş verənlərdən danışıb və hərəkata daxil olmaq istədiyini bildirib. “Biz ona anket verdik və o, təşkilata qəbul olundu”, - NİDA İdarə Heyətinin üzvü Ülvi Həsənli Turan-a bildirib.
Aprelin 1-dı NİDA fəallarının işi üzrə məhkəmə iclasında iclas başlamazdan əvvəl müttəhim Rəşadət Axundov Mürsəllinin işi barədə jurnalistlərə və hüquq müdafiəçilərinə məlumat verib və onları bu məsələyə aydınlıq gətirməyə çağırıb.
Bundan sonra Mürsəllinin məhkəmə prosesi başa çatıb və hökm oxunub.
Qeyd edək ki, 234.4.3-cü maddə sosial şəbəkə istifadəçiləri üçün tipik olmağa başlayır.
Əvvəllər bu ittiham üzrə Facebook istifadəçiləri Abdul Əbilov və Ömər Məmmədov həbs olunublar. –06В--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz