Rəsmi qəzetlər Türkiyə baş naziri Erdoğanın Azərbaycan səfəri, səfər çərçivsində dövlət başçısı İlham Əliyevlə görüşü barədə xəbərlərə geniş yer veriblər.
“Azadlıq” qəzeti Türkiyə baş naziri Erdoğanın Azərbaycana səfəri və Əliyevin qarşısına “nurçu”ların “vurulması” tələbi qoymasını ilk plana çıxarıb.
“Facebook”da rəsmi Bakını tənqidlərə məruz qoyduğuna görə həbsə alınan bloger Ömər Məmmədov yaxın günlərdə məhkəmə qarşısına çıxarılır.
Azərbaycan Hərbi Dəniz Qüvvələri Qərargahının keçmiş rəisi Yunis Məmmədov həbs edilib, barəsində 3 aylıq həbs qət-imkan tədbiri seçilib.
Deputat Etibar Hüseynov təhqirə görə qarabağlılardan üzr istəsə də? məcburi köçkünlər onun mandatınını ləğv olunmasını tələb edirlər.
Ölkə prokurorluğunun yaydığı məlumata görə, AMAY şirkətlər qrupunun prezidenti Abdulla Abdullayev maliyyə vəsaitlərinin mənimsənilməsi ittihamı ilə saxlanılıb.
“Ekspress” qəzeti Hərbi Dəniz Qüvvələri Qərargahının keçmiş rəisi Yunis Məmmədovun dələduzluq və rəsmi sənədləri saxtalaşdırmaq irttihamı ilə həbsə alınmasını önə çəkib.
Tibbi mənbələr Azərbaycanda hər il 300 uşağın onkoloji xəstəliyə tutulduğunu, bunun 20%-ni sağaltmağın mümkün olmadığını qeyd edirlər.
“Novoe Vremya” qəzeti Türkiyə baş naziri Erdoğanı Azərbaycan səfərini önə çəkərək, bunu “Bakının siyasi istiqamətləri Ankara ilə uzlaşdırması” kimi dəyələndirir.
Qəzet AMAY şirkətlər qrupunun prezidenti Abdulla Abdullayevin həbsə alındığını qeyd edir.
“Bizim yol” qəzeti Türkiyə baş naziri Erdoğaını Azərbaycan səfərini ilk plana çıxararaq ölkədəki “nurçu”ların siyahısını Əliyevə verdiyini iddia edir.
Qəzet “Azərsu”yun ortaq çalışdığı “Hidro Lotos” şirkəti Fetullah Gülen hərəkatına bağlı olduğu üçün Azərbaycandakı fəaliyyətinin dayandırıldığını yazır.
Azərbaycan parlamentinin deputatı Mixail Zabelin “Krım Rusiyanın qədim torpağıdır” bəyanatı verərək Rusiyanın işğalına haqq qazandırıb.
“Yeni Müsavat” qəzeti AMAY şirkətlər qrupunun prezidenti Abdulla Abdullayevin həbs xəbərini manjetə çıxararaq, onun dövlət vəsaitini mənimsəməkdə ittiham olunduğunu yazır.
Türkiyə baş naziri Erdoğanın Azərbaycan səfərinə toxunan qəzet onun “nurçular”ın dosyesini Əliyevə təqdim etdiyini nəzərə çatdırır.
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz