Ukrayna Təhlükəsizlik Xidmətinin rəhbəri: Rusiya FTX generalları Moskvada etirazların dağıdılmasına təlimat veriblər

Ukrayna Təhlükəsizlik Xidmətinin rəhbəri Valentin Nalivayçenko Şuster LİVE proqramına müsahibəsində bildirib ki, onun sələfi Yakimenko dindirməyə gəlməlidir.

“Bizim artıq təhqiqat materiallarına əsasən onun məhkəməyə gətirilməsi və həbsi üçün sanksiyalarımız var”, deyə o bildirib.

Nalivayçenko hesab edir ki, UTX-nin eks rəhbəri 2013-cü ilin dekabrında, habelə 2014-cü ilin yanvar və fevral aylarında kimin icazəsi ilə Ukraynada Rusiya FTX üçün, “ölkəmizə gələn və onlarla birlikdə dinci vətəndaşlara qarşı anti-terror əməliyyatı planlaşdıran generallar üçün” komanda məntəqələri qurulduğunu izah etməlidir.

Rusiyanın hərbi müdaxiləsi Krımda deyil, Maydan hadisələrindən başlayıb, UTX rəhbəri belə hesab edir.

Nalivayçenko həmçinin xatırladıb ki, Ukrayna Rusiyadan “yanvar-fevral aylarında diplomatik pasporta gələn və 30 digər yüksək vəzifəli zabitlə birlikdə cənab Yakimenkonu məruzəyə çağıran” FTX general-polkovnikinin dindirilməsini tələb edir. “Bu general da UTX-nin anti-terror poliqonunda olub”, deyə Nalivayçenko qeyd edib. -02D-