Mətbuat-Monitorinq 06.07.15

Rəsmi qəzetlər bu yaxınlarda başa çatmış Avropa Oyunları ilə bağlı  fotoları və yazını ilk səhifələrdə yerləşdiriblər.

“Azadlıq” qəzeti Vergilər naziri Fazil Məmmədovun “fövqəlnazir”lə Bakı merini bitirmək iddiasının olmasını manjetə çəkərək “Bakılift-təmir”lərdəki həbslərin bununla bağlı olduğunu nəzərə çatdırır.

Maliyyə çətinliyi ilə bağlı “Azadlıq” qəzetinə maddi yardım edən vicdan məhbusu Tofiq Yaqublu hər kəsi qəzetə dəstək olmağa çağırıb.

Qəzet rəsmi Bakının AXCP-nin konfranslarının keçirilməsinə problem yaratdığını, yerli icra hakimiyyətlərinin yer verməkdən imtina etdiklərini bildirir.

Qəzet yazır ki, Beynəlxalq Mətbuat Mərkəzi Milli Şuranın ictimai dinləmələr keçrimək üçün yer ayrılması haqda dəfələrlə edilən müraciətinə hələ də cavab verməyib.

Politoloqlara görə, ATƏT-in Azərbaycanda fəaliyyətinin dayandırılması rəsmi Bakıya beynəlxalq addımların sərtləşməsini, münasibətlərin gərginləşməsini vəd edir.

AXCP sədri Əli Kərimli ölkə irtidarını Rusiyaya bağlı “5-ci kolon” adlandırır.

Ölkənin iqtisadçı ekspertləri Neft Fondunun Çin iqtisadiyyatına 1  milyard yuan investisiya yatırmasını “maliyyə vəsaitlərinin riskə atılması” adlandırırlar.

İmişlinin Aranlı kəndində bələdiyyənin örüş yerlərini satmasına etraz olaraq sakinlər mal-qaranı bələdiyyə binası önünə yığıblar.

“Transparency İnternational” Azərbaycana maliyyə yardımı nəzərdə tutan Avropa İttifaqına vəsaitlərin bir hissəsinin korrupsionerləin ciblərinə gedəcəyi barədə xəbərdarlıq edib.

“Yeni Müsavat”    Qəbələ (Dinamo) - Tbilisi matçında qaldırılan “biz Qax və Zaqatalını 1921-ci ildən yaxşı tanıyırıq” plakatını ekspertlər “antiazərbaycan insidentində ipucunun yenə “şimala aparması kimi” dəyərləndiriblər.

Deputat Qüdrət Həsənquliyev bəzi nazirlərin uzun müddət vəzifədə qalmasına “ölkədə özünü tam mənada tükətmiş nazirlər var ki yorulublar” mövqeyini ifadə edib.

Azərbaycanda “neft bumu”nun tarixə döndüyünü deyən ekspertlər yaxın 20-25 ildə neftin dünya bazarında dəyərindən asılı olaraq “Azəri-Çıraq-Günəşli”dən daha 150-200 milyard dollarlıq mənfəət götürülə biləcəyini bildirirlər.

Problemli kreditlərin bağışlanacağı kimi aqibəti real saymayan ekspertlər bu sahədə yarımçıq qərarın, qismən güzəştin əlavə sual və iddialara səbəb olacağını xatırladırlar.