Mətbuat-Monitorinq 07.03.13

Rəsmi qəzetlər ölkə müxalifətinin aparıcı qüvvələri, Ziyalılar Forumu, İctimai Palata ilə bağlı böhtan, qarayaxma kampaniyasını davam etdirirlər.

“Azadlıq” qəzeti bu qəzetin redaktoru Qənimət Zahidi daxili işlər və fövqəladə hallar nazirlərinin məhkəməyə vermələri və həbsini istəmələri mövzusunu manjetə çıxarıb. 

İctimai-siyasi bloka dair yazılarda Müsavat Partiyasının yerləşdiyi binanın 3-cü qatındakı otaqlardan partiyada aparılan danışıqların və partiya başqanı İsa Qəmbərin otağının dinlənildiyi qeyd edilir. 

Hüquq müdafiəçisi Ələkbər Məmmədovun ölkəni tərk etdiyi bildirilir.    

Rəsmi Bakının Britaniya mətbuatında tənqidləri Azərbaycan barəsində mənfi imic yaratmaq kimi dəyərləndirməsinə ekspertlər “mənfi imici Qərb mətbuatı yox, iqtidar özü formalaşdırır” şərhini veriblər.   

Rusiyadan Azərbaycana gələn azərbaycanlıların polisə çağırılaraq Rusiyada nə işlə məşğul olduqları barədə sorğu-suala məruz qaldıqları nəzərə çatdırılır.

“Zerkalo” müdafiə naziri Səfər Əbiyevin 17 məhkəmə qətnaməsini icra etməməsinə cavab olaraq nazirin şəxsi iqamətgahının önünə piket təyin edən ehtiyatda olan zabitlər məhkəmə qərarı çıxaran hakimlərə də aksiyaya qoşulmaq çağırışı ediblər.  

“Ekspress” Nazirlər Kabinetinin hesabatında ölkədə 4700-dən çox KİV vahidinin qeydə alınması faktının yer aldığını yazır.

“Exo” Azərbaycanda kişilərin 8 mart bayramında qadınlara hədiyyələr almaq üçün ildə 90 milyon manat xərclədiklərini yazır.

“Bizim yol” ordu sıralarında müəmmalı şəkildə dünyasını dəyişən əsgər Elman Əliyevin qohumlarının açıqlamalarını Müdafiə Nazirliyinin “əsgərin qəfildən ölməsi” barədə bəyanatını alt-üst etməsini ön plana çəkib.

Şərti dini dəstənin başçısı kimi məhkum edilmiş Səid Dadaşbəyli özünün və dostlarının həbsini əsassız sayaraq həbsxanadan göndərdiyi müraciətdə iqtidarı “Azərbaycan oğullarını məhvə məruz qoymaqda” ittiham edib.

“Yeni Müsavat” orduda müəmmalı şəklidə dünyasını dəyişən əsgər Orxan Mirzəzadənin anasının oğlunun  intihar etdiyi yox, qətlə yetirilmısi haqda bəyanatını ilk səhifəyə çıxarıb.

Müsavat Partiyasının başqanı İsa Qəmbərin marıtn 10-da nəzərdə tutulan gənclərlə görüşünə Bakı meriyası yer ayımadığna görə görüş martın 17-nə keçirilib. 

Naxçıvan parlamentinin sədri Vasif Talıbov Bakıda fəaliyyət göstərən və əslən Naxçıvandan olan jurnalist və hüquq müdafiəçilərinin izlənilməsilə bağlı Bakıya xüsusi qrup göndərib.

“Bakı Xəbər”. Terrorçu PKK təşkilatına rəğbət yayan “Diplomat” qəzetinin redaktoru Tahir Süleymanov Fəxrəddin Paşayevi sədr seçən “Ronahi” kürd mərkəzinin qurultayını legitim saymadığını bildirib. 

İqtidaryönlü politoloqların ABŞ-ın Azərbaycandakı səfirinin siyasi müxalifət təmsilçilərilə görüşünə dair qəzetə “diplomat belə addım atırsa onun diplomatiyadan xəbəri yoxdur” şərhini verməklə səfiri səriştəsizlikdə ittiham ediblər.