![İki nazir Qənimət Zahidi məhkəməyə verib](https://turan.az/resized/media/2013/main/030700030967-750-500-resize.webp)
İki nazir Qənimət Zahidi məhkəməyə verib
Azərbaycanın fövqəladə hallar və daxili işlər nazirləri “Azadlıq” qəzetinin baş redaktoru Qənimət Zahidi məhkəməyə veriblər. Xəbəri Daxili İşlər Nazirliyinin mətbuat xidmətinin şöbə rəisi Orxan Mansurzadə təsdiqləyib.
Hər iki nazir Q.Zahidə qarşı xüsusi ittiham qaydasında iddia qaldırıb. Yasamal Rayon Məhkəməsindən Turan-a bildirilib ki, nazirlərin məhkəməyə müraciət etməsinə səbəb "Azadlıq" qəzetində dərc olunmuş "Ramil Usubov Kəmaləddin Heydərova qəzəblənib" başlıqlı məqalədir.
Belə ki, fövqəladə hallar naziri K.Heydərov baş redaktorun Cinayət Məcəlləsinin 147.2 (ağır, xüsusilə ağır cinayətlərdə ittiham etməklə böhtan atma) maddəsi ilə, daxili işlər naziri R. Usubov isə 147.1 (böhtan) maddəsi ilə məsuliyyətə cəlb olunmasını tələb edir.
Məhkəmədə nazirlərin müdafiəçisi kimi vəkil Əlirza Həbilov çıxış edəcək. Öz növbəsində, “Azadlıq” qəzetinin baş redaktoru Qənimət Zahid bildirib ki, bu, Azərbaycanda yeni arzuolunmaz praktikanın başlanğıcı deməkdir.
“Bütün dünya Azərbaycandan tələb edir ki, 147-148-ci maddələr Cinayət Məcəlləsindən çıxarılsın. Mənim bildiyimə görə, iki il əvvəl İlham Əliyev də Mətbuat Şurasındakı görüşdə bildirmişdi ki, həmin maddələr Cinayət Məcəlləsindən çıxarılacaq. İndi bu strateji əhəmiyyət daşıyan nazirliklərin rəhbərləri kimisə, konkret olaraq məni bu maddələrlə məhkəməyə verirsə, Azərbaycan hökuməti prezidentin simasında səsləndirdiyi bəyanatın səmimi olmadığını göstərir. Çalışacağam ki, məhkəmədə iştirak edim. İmkanım daxilində buna çalışacağam. Hər iki nazirin ittihamlarına şəxsən cavab verməyə hazıram", - o qeyd edib.-03B-
-
- Cəmiyyət
- 7 Mart 2013 10:50
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz