Mətbuat-Monitorinq 12.01.16

Ölkədə manatın devalvasiyası ilə bağlı yaranan iqtisadi durumla əlaqadar  bazar günü Nazirlər Kabinetində keçirilən müşavirə və ona reaksiyalar mətbuatın əsas gündəmidir.

Rəsmi qəzetlər adı çəkilən müşavirə ilə bağlı dövlət başçısı İlham Əliyevin və digər rəsmilərin çıxışlarının mətnini verməklə kifayətləniblər. Bu qəzetlərdə ölkədəki iqtisadi durumu təhlil edən hər hansı tənqidi məqalə yoxdur.

“Azadlıq” qəzeti adı çəkilən müşavirəni “Əliyevin böhran müşavirəsi” adlandırır. Rəsmi Bakının süni qitmət artımının qarşısını inizbati yol ilə alması səylərinə “bu yol səmərəsizdir” şərhini verir.

“Əgər neftin qiymətinin düşməsi siyasi məsələdirsə nəyə görə digər neft ölkələrinin valyutası sabit qalıb?” deyə eskpertlər dövlət başçısı İlham Əliyevin qiymətin düşməsini siyasi səbəblə izah etməsinə cavab verirlər.

Qəzet böhranın çoxtərəfli fəsadlarına toxunaraq manatın dəyərdən düşməsilə hazırkı 105 manatlıq minimum ehtiyac dəyərinin 67 dollara bərabər olduğunu bildirir. Böhran “İnteqral”, “Çudo Peçka” kimi iri ticarət və iaşə mərkəzlərini “vuraraq” bir sıra mağazalarını bağlamağa məcbur edib.

İş adamlarına qarşı özbaşınalıqlar davam edir, Keşlə yük stansiyasında 10 min manatlıq mal 30 min manat dəyərində qeydə alınır, gömrükçülər 6 min manat dollar tələb edirlər.

“Ekspress”  müşavirədə süni qiymət artımına sərt yanaşılmasına “möhtəkirlərin cəzalandırılacağı kimi dəyərləndirir.

Banklar Assosiasiyası əhalinin dollarla götürdüyü kreditlərdə devalvasiya nəticəsində yaranmış fərqin aradan qaldırılmasını Mərkəzi Bankın (MB) 3 milyard manat vəsaiti hesabına ödəməyin mümkünlüyünü bildirir, amma hələ ki MB-nin cavab vermədiyini diqqətə çatdırır.

“Novoe Vremya” isə ölkədə baş verən neqativ iqtisadi proseslərə görə hökuməti məsul tutmasını “ümumiyyətlə hökumət nə ilə məşğuldur?” mövqeyilə gündəmə gətirir.

“Bizim yol”  maaş və pensiyaların artırılmasına hazırlıq getdiyini vurğulayır.  

Kreditlərlə bağlı məzənnə fərqlərinə toxunan ekspertlər bu fərqi Mərkəzi Bankın ödəməsinə birmənalı mövqe ifadə ediblər. 

“Yeni Müsavat” adı çəkilən müşavirədə neftin dəyərdən düşməsi səbəbinin “kənarda yaranması” haqda dövlət başçısı İlham Əliyevin “tezisi”ni önə verib. 

Ölkədəki süni qiymət artımına qarşı mübarizədə inzibati üsullardan istifadə edilməsini ekspertlər  səmərəli saymırlar.

Partiya sədri Sülhəddin Əkbər isə ölkədə “sistem böhranı yaşanması”nı iddia edir.